16 საათის წინ
ეკა დგებუაძე – ტელესკოლა, ონლაინ სწავლება და სხვა მეთოდოლოგია იძლევა იმის თქმის საშუალებას, რომ 2019-2020 სასწავლო წლის მეორე სემესტრი არ ჩავარდება
17 საათის წინ
ჯორჯ ვისანი – ჯანდაცვის მსოფლიო ორგანიზაცია საქართველოს ოფიციალურ პირებს კორონავირუსის დასამარცხებლად განხორციელებული ზომებისთვის აქებს
17 საათის წინ
ეროვნული ბანკის 7 თანამშრომელს, რომელსაც კორონავირუსი დაუდასტურდა, ფულთან ჰქონდა შეხება
17 საათის წინ
პირს, რომელსაც ქალაქიდან ქალაქში მანქანით მგზავრობისას ტემპერატურა დაუფიქსირდება, გზის გაგრძელების უფლებას არ მისცემენ და კლინიკაში გადაიყვანენ
19 საათის წინ
საქართველოში კორონავირუსით ინფიცირების შემთხვევათა რაოდენობა 130-მდე გაიზარდა

ბათუმი ძალოსნობაში ევროპის ჩემპიონატისთვის ემზადება – ევროპის ფედერაციის გენერალური მდივანი აჭარას სტუმრობს

6-13 აპრილს, ბათუმი ძალოსანთა ევროპის ჩემპიონატს უმასპინძლებს, რომელზეც მედლებთან ერთად ტოკიოს 2020 წლის ოლიმპიური თამაშების სალიცენზიო ქულებიც გათამაშდება. ევროპირველობისთვის მიმდინარე საორგანიზაციო საკითხების გასაცნობად ბათუმს ესტუმრნენ ევროპის ძალოსობის ფედერაციის გენერალური მდივანი ჰასან აკუში და ევროპის ფედერაციის სატელევიზიო ტრანსლაციაზე პასუხისმგებელი პირი დევიდ გოლდსტრომი.

სტუმრებმა, სამუშაო ვიზიტის ფარგლებში მოინახულეს რამდენიმე სასტუმრო და საშეჯიბრო დარბაზი, ბათუმის ახალი სპორტის სასახლე. ჰასან აკუშს და დევიდ გოლდსტრომს მასპინძლობას უწევენ, საქართველოს ძალოსნობის ფედერაციის პრეზიდენტი კახი კახიაშვილი, განათლების, მეცნიერების, კულტურისა და სპორტის მინისტრის მოადგილე შალვა გოგოლაძე და აჭარის მთავრობის წარმომადგენლები. დღესვე, ევროპის ჩემპიონატის საორგანიზაციო ჯგუფმა ერთობლივი პრესკონფერენცია გამართა დაჟურნალისტებს მიმდინარე საორგანიზაციო საკითხების დეტალები გააცნო.

ევროპელი სტუმრები ნანახით კმაყოფილები დარჩნენ და ქართულ მხარეს გაწეული საორგანიზაციო სამუშაოსთვის მადლობა გადაუხადეს. 2019 წლის ძალოსანთა ევროპის ჩემპიონატის პირდაპირი რეპორტაჟი “ევროსპორტზე” გადაიცემა და კონტინენტის პირველობას 60 მილიონიანი აუდიტორია ეყოლება, ასევე რეპორტაჟი იქნება “მატჩ TV”-ზე. საერთო ჯამში, პირდაპირი ეთერი 20 ენაზე 55 ქვეყანაში გაშუქდება. ევროპის ჩემპიონატს ქართული მედიაც აქტიურად გააშუქებს.

Please follow and like us: