3 საათის წინ
მოქალაქეებს, რომლებიც 200 კილოვატზე ნაკლებ ელექტროენერგიას და 200 მ3-ზე ნაკლებ ბუნებრივ აირს მოიხმარენ, 3 თვის განმავლობაში კომუნალური გადასახადი სრულად დაუფინანსდებათ
3 საათის წინ
საქართველოში კორონავირუსი 115 ადამიანს დაუდასტურდა, აქედან 22 უკვე გამოჯანმრთელდა
20 საათის წინ
საჭიროა თუ არა სასურსათო პროდუქტების საპნით რეცხვა ან დეზინფექცია — ექსპერტის რჩევები
20 საათის წინ
ავტომობილით 3-ზე მეტი პირის მგზავრობის შემთხვევაში, მძღოლი 3 000 ლარით დაჯარიმდება
24 საათის წინ
ევროკავშირი – საქართველოსთვის 20 მილიონზე მეტი გამოიყოფა და არსებული პროგრამებიდან 70 მილიონზე მეტი კრიზისის დასაძლევად გადამისამართდება

სპეციალური ჯგუფები იქმნება, რომლებიც ადგილობრივ დონეზე გააკონტროლებენ ხანძრების დამატებით ტერიტორიებზე გავრცელების რისკებს, – ამის შესახებ განცხადებას საგანგებო სიტუაციების მართვის სამსახური ავრცელებს.

განცხადებაში აღნიშნულია, რომ ბოლო პერიოდში მოქალაქეების მხრიდან საკუთარ სასოფლო-სამეურნეო დანიშნულების მიწებზე ნარჩენებს წვავენ და ვეღარ ახერხებენ ცეცხლის შეკავებას, რის გამოც ხანძარი მასშტაბურ ტერიტორიებზე ვრცელდება. საგანგებო სიტუაციების სამსახური მოქალაქეებს მოუწოდებს მეტი სიფრთხილე გამოიჩინონ.

„ბოლო პერიოდში, გახშირდა შემთხვევები, როდესაც მოქალაქეები საკუთარ სასოფლო-სამეურნეო დანიშნულების მიწებზე, ტერიტორიის დასუფთავების მიზნით, წინა წლის მოსავლის ნარჩენებს წვავენ. ასევე ხშირად, მოქალაქეები ვეღარ ახერხებენ ცეცხლის შეკავებას და ხანძარი მასშტაბურ ტერიტორიებზე ვრცელდება. არის შემთხვევები, როდესაც დაგვიანებით ხდება სახანძრო-სამაშველო ჯგუფების გამოძახება. პრევენციის მიზნით, საგანგებო სიტუაციების მართვის სამსახურმა, საქართველოს ათივე რეგიონში, გუბერნიებისა და მუნიციპალიტეტების წარმომადგენლებთან სამუშაო შეხვედრები დაიწყო. იქმნება სპეციალური ჯგუფები, რომლებიც ადგილობრივ დონეზე გააკონტროლებენ ხანძრების დამატებით ტერიტორიებზე გავრცელების რისკებს. საგანგებო სიტუაციების მართვის სამსახური მოუწოდებს მოქალაქეებს, გამოიჩინონ მეტი სიფრთხილე და პასუხისმგებლობა, რათა მსგავსი შემთხვევების დროს, არ შეუქმნან საფრთხე ახლომდებარე დასახლებულ პუნქტებს, მინდვრებსა და ტყის მასივებს,” – ნათქვამია განცხადებაში.

Please follow and like us: