9 საათის წინ
ეკა დგებუაძე – ტელესკოლა, ონლაინ სწავლება და სხვა მეთოდოლოგია იძლევა იმის თქმის საშუალებას, რომ 2019-2020 სასწავლო წლის მეორე სემესტრი არ ჩავარდება
9 საათის წინ
ჯორჯ ვისანი – ჯანდაცვის მსოფლიო ორგანიზაცია საქართველოს ოფიციალურ პირებს კორონავირუსის დასამარცხებლად განხორციელებული ზომებისთვის აქებს
10 საათის წინ
ეროვნული ბანკის 7 თანამშრომელს, რომელსაც კორონავირუსი დაუდასტურდა, ფულთან ჰქონდა შეხება
10 საათის წინ
პირს, რომელსაც ქალაქიდან ქალაქში მანქანით მგზავრობისას ტემპერატურა დაუფიქსირდება, გზის გაგრძელების უფლებას არ მისცემენ და კლინიკაში გადაიყვანენ
12 საათის წინ
საქართველოში კორონავირუსით ინფიცირების შემთხვევათა რაოდენობა 130-მდე გაიზარდა

დედაქალაქს ზაფხულისთვის 3D რუკა ექნება, – ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

ამის გარდა, კახა კალაძის თქმით, შემუშავდება კიდევ ერთი მნიშვნელოვანი პროდუქტი – თბილისის ორთოფოტო გეგმა.

„თბილისს მალე ექნება 3D რუკა, რომლის ნახვაც ასევე მოქალაქეებსაც შეეძლებათ. ჩვენ გამოცხადებული გვქონდა ინტერესთა გამოხატვა ამ პროექტის განხორციელებაზე და პირველი მარტიდან დაიწყო კომპანიამ მუშაობა, რომელიც უკვე ივლისისთვის უნდა იყოს დასრულებული და ჩაბარდეს მერიას. ამ მონაცემებს თბილისის მერიის სხვადასხვა სამსახური თავის შიდა საქმიანობაში გამოიყენებს. გუგლის რუკისგან განსხვავებით, ეს რუკა მოგვცემს შესაძლებლობას გაიზომოს სხვადასხვა პარამეტრები. მისი მონაცემები იქნება ხელმისაწვდომი მოქალაქეებისთვის ვეგბვერდზე Maps.tbilisi.gov.ge. გარდა ამისა, 516 კვადრატულ კილომეტრზე შემუშავდება კიდევ ერთი მნიშვნელოვანი პროდუქტი თბილისის ორთოფოტო გეგმა. ორივე პროექტი დაახლოებით მილიონი გვიჯდება. მგონია, რომ ძალიან მნიშვნელოვანია ამის განახლება, მოწესრიგება“,- განაცხადა კალაძემ.

Please follow and like us: