17 საათის წინ
ილია მეორე რუსეთის პატრიარქს მიმართავს – ყველა შეშფოთებულია ქირურგის, ვაჟა გაფრინდაშვილის ცხინვალის იზოლატორში დაკავების გამო
18 საათის წინ
„ნიუ იორკ თაიმსი“ საოკუპაციო რეჟიმის მიერ დაკავებული ექიმის, ვაჟა გაფრინდაშვილის შესახებ წერს
20 საათის წინ
გიორგი ვაშაძე – მოვუწოდებ პარლამენტის წევრებს, თავი შეიკავონ პარლამენტში მოსვლისგან, რომ ზედმეტი ექსცესები აირიდონ
21 საათის წინ
ლაშა ტალახაძემ სამი ოქროს მედალი მოიპოვა
21 საათის წინ
ნინო ლომჯარია – პარლამენტის პიკეტირება არ არის კანონიერი, თუმცა ამ უკანონობაზე ის დეპუტატები არიან პასუხისმგებელნი, ვინც პროპროციულ სისტემას მხარი არ დაუჭირეს

ჩუღურეთის რაიონში, გროზნოს ქუჩის N11-ის მიმდებარე ტერიტორიაზე თანამედროვე სტანდარტების შესაბამისი სკვერისა და სპორტული მოედნის მოწყობა იგეგმება, – ამის შესახებ ჩუღურეთის გამგებელმა ზურაბ ჩიკვილაძემ ვიდეოდიალოგის დროს, ერთ-ერთი მოქალაქის შეკითხვის საპასუხოდ განაცხადა.

როგორც მან აღნიშნა, ჩუღურეთის რაიონი მჭიდროდ არის დასახლებული, რის გამოც, მსგავსი მასშტაბის სკვერების მოწყობა ხშირად ვერ ხერხდება.

„ჩვენი რაიონი მჭიდროდ და კომპაქტურად არის დასახლებული და მიწის თავისუფალი ფართობებით არ ვართ განებივრებული. მიუხედავად ამისა, 3 000 კვადრატული მეტრი მიწის ფართობი მოვიძიეთ, სადაც თანამედროვე სტანდარტების შესაბამის სკვერს მოვაწყობთ. მიმდინარეობს პროექტზე მუშაობა, რომელიც სამ თვეში დასრულდება. გვინდა, რომ სკვერი და სპორტული მოედანი ერთ დიდ სივრცეში მოვაქციოთ ველობილიკითა და განათების თანამედროვე ქსელით. ეს ჩუღურეთისთვის დიდი ფართობია და რაიონში გამორჩეული სკვერი იქნება“, – განაცხადა ზურაბ ჩიკვილაძემ.

მისივე თქმით, გასულ წელს ჩუღურეთის რაიონში ასევე, ხუთი ახალი სკვერი გაიხსნა, რადგან მწვანე სივრცეების მოწყობას განსაკუთრებული ყურადღება ეთმობა.

ჩუღურეთის რაიონის გამგებელმა მოქალაქე ქეთევან ჯანჯღავას შეკითხვასაც უპასუხა და აღნიშნა, რომ მიმდინარე წელს, რომის ქ. N4-ში მდებარე საცხოვრებელი სახლის რეაბილიტაცია დაიწყება.

„აღნიშნული საცხოვრებელი სახლი ქალაქში მართლაც გამორჩეული ისტორიული ძეგლია, რომელთან დაკავშირებითაც, უკვე მნიშვნელოვანი წინსვლა გვაქვს. შედგა პროექტი და ძალიან მალე, წლის განმავლობაში, სახლის რეაბილიტაცია დაიწყება. ჩუღურეთის რაიონში ოთხი ისტორიული ძეგლის რეაბილიტიაცია მოხდება – რომის N4, ჯავახიშვილის N14, წინამძღვრიშვილის N1 და N39-ში მდებარე საცხოვრებელი სახლები, რომლებიც ძალიან დიდი მნიშვნელობის ისტორიული შენობებია“, – აღნიშნა ჩუღურეთის რაიონის გამგებელმა.

Please follow and like us: