10 საათის წინ
ეკა დგებუაძე – ტელესკოლა, ონლაინ სწავლება და სხვა მეთოდოლოგია იძლევა იმის თქმის საშუალებას, რომ 2019-2020 სასწავლო წლის მეორე სემესტრი არ ჩავარდება
11 საათის წინ
ჯორჯ ვისანი – ჯანდაცვის მსოფლიო ორგანიზაცია საქართველოს ოფიციალურ პირებს კორონავირუსის დასამარცხებლად განხორციელებული ზომებისთვის აქებს
11 საათის წინ
ეროვნული ბანკის 7 თანამშრომელს, რომელსაც კორონავირუსი დაუდასტურდა, ფულთან ჰქონდა შეხება
11 საათის წინ
პირს, რომელსაც ქალაქიდან ქალაქში მანქანით მგზავრობისას ტემპერატურა დაუფიქსირდება, გზის გაგრძელების უფლებას არ მისცემენ და კლინიკაში გადაიყვანენ
14 საათის წინ
საქართველოში კორონავირუსით ინფიცირების შემთხვევათა რაოდენობა 130-მდე გაიზარდა

ადამიანში ლოცვის შედეგად ფერისცვალება ხდება, – ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების ტაძარში ქადაგებისას განაცხადა.

ილია მეორემ ლოცვის ძალაზე ისაუბრა. მან აფხაზეთში ყოფნის პერიოდი გაიხსენა, ვიდრე პატრიარქად ეკურთხებოდა.

„ყველას გილოცავთ მეორე კვირის დიდ მარხვას. ნათელი ქრისტესი განგვანათლებს ყოველთა. ეს სულ სხვა არის, ვიდრე ჩვენ ვიცით, რასაც ჩვენ ვმალავთ.

მახსენდება ჩემი აფხაზეთში ყოფნის დრო პატრიარქობამდე. რუსეთიდან ჩამოვიდა ერთი ახალგაზრდა, ეროვნებით ებრაელი. შემდეგ წავიდა აფხაზეთის უდაბნოში, იქ მოღვაწეობდა. ბერები მეუბნებოდნენ, რომ საოცრება ხდებაო. იმდენად დიდი იყო ამ ახალგაზრდის სარწმუნოება და სიყვარული, როცა კითხულობდა ლოცვებს, სხვა ბერები ხედევდნენ ნათელს მის თავზე და მეუბნებიდნენ, არ ვეუბნებით, რომ ნათელი ადგას, ამპარტავნების გრძნობა არ დაეუფლოსო.

მისი მამა იყო პროფესორი ერთ-ერთ უნივერსიტეტში. იყო საშინელი ათეისტი. ჩამოვიდა სოხუმში, ჩემთან ეძებდა თავის შვილს. მან მიამბო – ხელზე შემოხვეული აქვს ფსკვნილი, ათეისტურ ოჯახში გაზრდილია და ფსკვნილს ხმარობსო. შვიყვანეთ ფსიქიატრიულ სავადმყოფოშიო. მთელ საბჭოთა კავშირში გამოცხადებული იყო მისი ძიება, რკინიგზის სადგურებში გამოკრული იყო მისი სურათი, მაგრამ ღვთის მადლით, ის დარჩა მორწმუნე ქრისტიანად და დღესც რუსეთში მოღვაწეობს.

ეს მოგახსენეთ იმიტომ, რა შეუძლია ლოცვას. ადამიანში ლოცვის შედეგად ფერისცვალება ხდება. ჩვენ ვმადლობთ უფალს, რომ უფალი ჩვენთან არს.

დღეს ჩვენ ვლოცავთ ბავშვებს. თქვენ იცით, დაუნის სინდრომის მქონე ბავშვებს განსაკუთრებული თვისებები აქვთ. მინდა დავლოცო ეს ბავშვები, მათი მშობლები და ოჯახის წევრები. არ უნდა გაგიტყდეთ გული, მრავალი შემთხვევაა, როცა ასეთი ბავშვი არის განსაკუთრებული თვისებით, ნიჭით დაჯილდოებული. ღმერთმა დალოცოს, ღმერთმა მისცეს მადლი და ძალა“, – განაცხადა პატრიარქმა.

Please follow and like us: