14-21 მარტს არაბეთის გაერთიანებულმა საემიროებმა 2019 წლის მსოფლიოს ზაფხულის სპეციალურ ოლიმპიურ თამაშებს უმასპინძლა. საქართველოს ნაკრებმა აბუ-დაბიში გამართულ მასშტაბურ სპორტულ ღონისძიებაზე 2 ოქროს, 2 ვერცხლისა და 2 ბრინჯაოს მედალი მოიპოვა. თამაშების გამარჯვებულები გახდნენ მარიამ ტოპოლიანი (მაგიდის ჩოგბურთი) და ლიკა კვარაცხელია (სირბილი, 50 მ), ვერცხლის მედლებს დაეუფლნენ მარიამ ტოპოლიანისა და გიორგი დიდიას წყვილი (მაგიდის ჩოგბურთი) და ლიკა კვარაცხელია (სირბილი, 25 მ), ბრინჯაოს მედლები მოიპოვა სერგო გვარაძემ (სირბილი, 200 მ; სირბილი, 100 მ). საპატიო მეოთხე ადგილზე ინდივიდუალურ შეჯიბრებაში გიორგი დიდია (მაგიდის ჩოგბურთი) გავიდა.

გაზიარება