4 საათის წინ
მიხეილ ჩხენკელი – სკოლების მასწავლებლების ანაზღაურების ზრდა გრძელდება, იგივე უნდა მოხდეს პროფესიული, უმაღლესი განათლების პედაგოგებისა და მეცნიერებისთვის
4 საათის წინ
ბიძინა ივანიშვილი – მე ვიყავი და ვრჩები 2020 წელსვე პროპორციულ საარჩევნო სისტემაზე გადასვლის მომხრე და გულწრფელად ვწუხვარ, რომ ეს ვერ მოხერხდა
4 საათის წინ
მამუკა ხაზარაძე – დღეს, სწორედ რუსთაველზე გადის ჩვენი თავისუფლების დაცვის და ქვეყნის მომავლის გადარჩენის ხაზი – „ლელო“ დგას ხალხთან ერთად!
4 საათის წინ
კახა კალაძე – უმრავლესობა არ დაიშლება და არც ვადამდელი საპარლამენტო არჩევნები არ იქნება
4 საათის წინ
ბიძინა ივანიშვილი – “ნაცმოძრაობის” წევრებმა ჩვენს დეპუტატებს შეურაცხყოფა მიაყენეს – როგორც ჩანს, ამან მაჟორიტარების მოთმინების ფიალა აავსო და მეც ვეღარ მოვახერხე კონსტრუქციულ ველში მათი დაბრუნება

განათლების სფეროში მოღვაწე ადმინისტრაციულ და აკადემიურ პერსონალს ეძლევა განსაკუთრებული შესაძლებლობა, რომ განათლების სფეროში გაეროს კონსულტანტის, საერთაშორისო განათლების ევროპული ასოციაციის (EAIE) საპატიო წევრის გრაჰამ პაიკის ვორკშოპს დაესწროს. ღონისძიება 10, 11, 12 ივნისს გაიმართება. ვორკშოპი სახელად “უმაღლეს სასწავლებლებში ცვლილებების მართვის ეფექტურობა ინტერნაციონალიზაციის პროცესში” სასწავლო ცენტრ “მერიდიანისა“ და შავი ზღვის საერთაშორისო უნივერსიტეტის ორგანიზებით გაიმართება. ვორკშოპის მხარდამჭერები არიან აღმოსავლეთ ევროპის უნივერსიტეტი და ვანკუვერის უნივერსიტეტი, კანადა.

ვორკშოპში მონაწილეებს ეძლევათ შესაძლებლობა, რომ გაეცნონ საერთაშორისო განათლების თანამედროვე ტენდენციებს; დაამკვიდრონ ახალი სტანდარტები და განახორციელონ ცვლილებები უნივერსიტეტებში; შეიმუშავონ ეფექტური სტრატეგიული გეგმა, რაც უნივერსიტეტებში ინტერნაციონალიზაციის ხარისხის ზრდას შეუწყობს ხელს; გაიაზრონ სახელმწიფოს როლი ინტერნაციონალიზაციის პროცესში; განავითარონ საერთაშორისო სტრატეგიული პარტნიორობა და მოიზიდონ უცხოელი სტუდენტები; განაახლონ პროგრამები თანამედროვე მოთხოვნების შესაბამისად; მიაწოდონ ეფექტური სერვისი საერთაშორისო სტუდენტებს.

გრაჰამ პაიკი, რომელიც ვორკშოპის ტრენერია, აქტიურად არის ჩართული უმაღლესი განათლების ინტერნაციონალიზაციის პროცესის დაგეგმვასა და განხორციელების სკითხებში. გაეროს ეგიდით თანამშრომლობს ოცზე მეტ ქვეყანასთან, სამთავრობო და არასამთავრობო ორგანიზაციებთან. მან სხვადასხვა უნივერსიტეტში დაარსა საერთაშორისო განათლების კვლევითი და სასწავლო ცენტრები. პაიკი 11 წიგნის ავტორი და ეროვნული ჯილდოს მფლობელია საერთაშორისო განათლების სისტემაში განხორციელებული სიახლისთვის. ამჟამად პაიკი ვანკუვერის უნივერსიტეტის საერთაშორისო განათლების ფაკულტეტის დეკანი და ინტერნაციონალიზაციის პროგრამების ავტორია. მის მიერ განხორციელებულმა რეფორმებმა განათლების ინტერნაციონალიზაციის სტრატეგიების ფორმულირების კუთხით მას საერთაშორისო აღიარება მოუტანა.

ვორკშოფზე დასწრების მსურველებმა გაიარეთ რეგისტრაცია ბმულზე.

Please follow and like us: