3 საათის წინ
საქართველოში კორონავირუსი 208 ადამიანს დაუდასტურდა, აქედან 46 უკვე გამოჯანმრთელდა
17 საათის წინ
პატრიარქი – უნდა გვახსოვდეს, რომ ყველაფერს ვერ ახსნის ადამიანი, მაგრამ ისიც უნდა გვახსოვდეს, რომ ღმერთი მოწყალეა, ყველაფერი სიმძიმე გადაივლის და მშვიდობა დაისადგურებს
18 საათის წინ
თენგიზ ცერცვაძე – საქართველოს ინფექციის გავრცელებით 109-ე ადგილი უკავია და ჩვენ უკან არიან მხოლოდ ის სახელმწიფოები, სადაც ვირუსის დიაგნოსტიკა ხდება თუ არა, ესეც არ ვიცით
18 საათის წინ
საქართველოში კორონავირუსისგან 45 ადამიანი გამოჯანმრთელდა
18 საათის წინ
საქართველოში კორონავირუსით ინფიცირებული კიდევ ერთი პაციენტი გარდაიცვალა

პარლამენტში ინიცირებული კანონპროექტის მიხედვით, ბავშვის ავტომანქანით გადაყვანისას შესაძლოა სავალდებულო გახდეს სპეციალური სავარძლის გამოყენება.

კერძოდ, ცვლილების მიხედვით, 12 წლამდე და 135 სანტიმეტრამდე ბავშვის მსუბუქი ავტომობილის უკანა სავარძლით გადაყვანისას გამოყენებულ უნდა იქნეს სპეციალური საბავშვო ეტლი, სავარძელი ან დამჭერი მოწყობილობა, რომელიც შეესაბამება ბავშვის სიმაღლესა და წონას.  აღნიშნული წესის დარღვევა გამოიწვევს მძღოლის დაჯარიმებას ადმინისტრაციულ სამართალდარღვევათა კოდექსით.

როგორც კანონპროექტის ერთ-ერთი ავტორი, ორგანიზაცია “ალიანსი უსაფრთხო გზებისთვის” ხელმძღვანელი ეკა ლალიაშვილი ამბობს, აღნიშნულ დოკუმენტზე იურიდიულ საკითხთა კომისტეტთან ერთად 2 წლის განმავლობაში მუშაობდნენ და პარლამენტში უკვე ინიცირებულია.

“ჩვენ თუ სტატისტიკას შევხედავთ, ორი წლის განმავლობაში ასეულობით ბავშმა მიიღო დაზიანება და ათეულობით დაიღუპა იმის გამო, რომ არ იყენებენ საბავშვო სავარძლებს. სავარძლები განსხვავდება ბავშვის წონისა და სიმაღლის მიხედვით. სავარაუდოდ, რეგულაცია გავრცელდება დაახლოებით 12 წლამდე ბავშვებზე, რაც არის საერთაშორისო სტანდარტი”, – უთხრა ნეტგაზეთს ლალიაშვილმა.

როგორც ლალიაშვილი განმარტავს, სავარძლის ფორმა და ზომა ბავშვის სიმაღლესა და წონაზე იქნება დამოკიდებული:

“აქვე მინდა გამოვეხმაურო მშობლების წუხილს, რომ 10-12 წლის ბვშვი უკვე საკმაოდ დიდია და სავარძელში არ ჩაეტევა. აქ ყველაზე მთავარი არის ბავშვის სიმაღლე და წონა. სავარძლებზე ეს მინიშნებულია.  გააჩნია, რა სიმაღლისაა ბავშვი. ცოტა მოზრდილ ბავშვს სჭირდება უფრო მსუბუქი სავარძელი, პატარას და ახალშობილს კი, ზურგიანი სავარძელი” – ამბობს კანონპროექტის ერთ-ერთი ავტორი.

წყარო: netgazeti.ge

Please follow and like us: