21 საათის წინ
პატრიარქი – დღეს წირვის დროს ისეთი მძიმე იყო, მძიმე კი არა რთული იყო ლოცვა, რომ მეგონა, ვერ შევძლებდი ბოლომდე მიმეყვანა, მადლობა უფალს, მშვიდობით დამთავრდა წირვა და მივიღეთ წმინდა ზიარება
4 დღის წინ
საქართველოში ყველა სახის მუნიციპალური ტრანსპორტის მუშაობა განახლდა
1 კვირის წინ
ეროვნული გამოცდები 2020 – მოსალოდნელი ცვლილებები
1 კვირის წინ
საქართველოში კორონავირუსის ერთი ახალი შემთხვევა დაფიქსირდა, 11 პაციენტი კი გამოჯანმრთელდა
1 კვირის წინ
გიორგი გახარია – უნდა გვახსოვდეს ის წვლილი, რომელიც ქართულმა ჯარმა მოქალაქეებთან ერთად პანდემიის წარმატებულ მართვაში შეიტანა, ყველამ ერთად შევძელით ამ რისკის ლოკალიზება და ეფექტური მართვა

დიდი ბრიტანეთის ერთ-ერთმა ყველაზე გავლენიანმა ტუროპერატორთა ასოციაციამ (ABTA) საქართველო 2020 წლის საუკეთესო მიმართულებად დაასახელა.

საქართველოსთან ერთად ანგარიშში 11 ტურისტული მიმართულება, მათ შორის ჰოლანდია, მაროკო, სამხრეთ კორეა, მადრიდი, ვენა და სხვა ქვეყნები, ქალაქები და რეგიონები მოხვდნენ.

საქართველოს ტურიზმის ეროვნული ადმინისტრაციის ინფორმაციით, ბრიტანეთის ტუროპერატორთა ასოციაციის ანგარიშში საერთაშორისო ექსპერტები იყვნენ ჩართულები, რომლებმაც მთელი წლის განმავლობაში ქვეყნებისა და რეგიონების ცნობილი დღესასწაულები, ღირსშესანიშნაობები და ტურისტული მიმართულებები შეისწავლეს.

„საქართველო გამაოგნებლად სასიამოვნო მიმართულებაა. გაერთიანებული სამეფოდან თბილისის მიმართულებით პირდაპირი ავიარეისი სრულდება. საქართველოს დედაქალაქი გართობის მრავალფეროვნებით გამოირჩევა, თბილისში მზარდია კლუბების რაოდენობა. აქ ნახავთ უამრავ ბარს და რესტორანს, სადაც მაღალი ხარისხის ქართული ღვინო აქვთ.

საქართველოს რეგიონები სიმწვანით, ხელუხლებელი ბუნებით გამოირჩევა. ქვეყნის 70% ტყით არის დაფარული. საქართველოში „იუნესკოს“ (UNESCO) მსოფლიო კულტურული მემკვიდრეობის ადგილებია, მათ შორისაა: ჯვარი და სვეტიცხოველი.

საქართველოში რაც ყველაზე გამოსარჩევია ეს არის ძალიან მეგობრული, ტურისტების მიმართ კეთილგანწყობილი ხალხი. საქართველო სტუმართმასპინძლობით გამორჩეული ქვეყანაა“, – წერია ანგარიშში.

„მოხარულები ვართ, რომ საქართველომ კიდევ ერთი აღიარება მოიპოვა საერთაშორისო არენაზე, კონკრეტულად დიდ ბრიტანეთში, სადაც საქართველო დასახელდა 2020 წლის ყველაზე მიმზიდველი მიმართულება. ეს აღიარება საქართველომ მოიპოვა ბრიტანული ასოციაციის და ექსპერტების შეფასებით, ეს არის ერთ-ერთი ყველაზე გავლენიანი ასოციაცია. ჩვენი წარმატება საქართველოს მიმართულებით ინტერესს კიდევ უფრო გაზრდის, რაც ხელს შეუწყობს ქართულ და ბრიტანულ კომპანიებს შორის ბიზნესურთიერთობების დამყარებას ტურიზმის მიმართულებით, ეს აღიარება კიდევ უფრო შეუწყობს ხელს მეტი ბრიტანელი ტურისტის ჩამოსვლას საქართველოში, რომელიც გამოირჩევა მხარჯველუნარიანობით“, – აცხადებს ტურიზმის ეროვნული ადმინისტრაციის ხელმძღვანელი მარიამ ქვრივიშვილი.

დიდი ბრიტანეთის ტუროპერატორთა ასოციაცია 65 წლის წინ დაარსდა. ასოციაციაში 4300-ზე მეტი ტურისტული ბრენდია გაწევრიანებული. წლიური ბრუნვა კი, 39 მილიარდი ფუნტია. კომპანიები როგორც დასვენებაზე, ასევე ბიზნეს ტურისტულ სერვისზე არიან ორიენტირებულები.

Please follow and like us: