ქართულ-უკრაინული მხარეების გადაწყვეტილებით, ვაჟა ფშაველასა და ლესია უკრაინკას სახელობის საქართველო-უკრაინის კულტურული თანამშრომლობის ფონდი შეიქმნება.

აღნიშნულის შესახებ დღეს საქართველო-უკრაინის ბიზნესფორუმზე გაცხადდა. ფონდის საპატიო თავმჯდომარე სრულიად საქართველოს-კათოლიკოს პატრიარქი იქნება, ხელმძღვანელობას კი ქართული მხრიდან ლელა რაზიკაშვილი გაუწევს.

“საქართველო-უკრაინის კულტურული თანამშრომლობის ფონდი არის ორი ქვეყნის ურთიერთობის სასიამოვნო შედეგი, კულტურა ყველაზე გასაგები ენაა ერებს შორის ურთიერთობაში. ჩვენ ვიმუშავებთ საერთაშორისო გაცვლით პროგრამებზე და ორი ქვეყნის საზოგადოებას ერთმანეთის კულტურას გავაცნობთ”, – განაცხადა ლელა რაზიკაშვილმა.

მისივე ინფორმაციით, ფონდს უკრაინული მხრიდან ბიზნესმენი და პოეტი ვლადიმერ დოროში უხელმძღვანელებს.

26.04.13

Please follow and like us: