4 საათის წინ
მოქალაქეებს, რომლებიც 200 კილოვატზე ნაკლებ ელექტროენერგიას და 200 მ3-ზე ნაკლებ ბუნებრივ აირს მოიხმარენ, 3 თვის განმავლობაში კომუნალური გადასახადი სრულად დაუფინანსდებათ
4 საათის წინ
საქართველოში კორონავირუსი 115 ადამიანს დაუდასტურდა, აქედან 22 უკვე გამოჯანმრთელდა
21 საათის წინ
საჭიროა თუ არა სასურსათო პროდუქტების საპნით რეცხვა ან დეზინფექცია — ექსპერტის რჩევები
21 საათის წინ
ავტომობილით 3-ზე მეტი პირის მგზავრობის შემთხვევაში, მძღოლი 3 000 ლარით დაჯარიმდება
1 დღის წინ
ევროკავშირი – საქართველოსთვის 20 მილიონზე მეტი გამოიყოფა და არსებული პროგრამებიდან 70 მილიონზე მეტი კრიზისის დასაძლევად გადამისამართდება

cms-image-000013731საყდრისის გადარჩენის საზოგადოებრივი კომიტეტისა და კულტურის მინისტრის შეხვედრა დასრულდა. გურამ ოდიშარიამ კაზრეთის ტერიტორია უკვე დატოვა. როგორც შეხვედრის შემდეგ მინისტრმა განაცხადა, ხვალ კულტურის სამინისტროში გაიმართება თათბირი, სადაც საყდრისთან დაკავშირებით იმსჯელებენ და განიხილავენ იმ ექსპერტების მოწვევის საკითხს, რომლებზეც უცხოეთიდან კულტურის სამინისტროს შეთავაზება აქვს, საყდრისი-ყაჩაღიანის ტერიტორიაზე ექსპერტიზის ჩატარებასთან დაკავშირებით. რაც შეეხება კომიტეტის წევრებს, ისინი საპროტესტო აქციას განაგრძობენ. როგორც მინისტრთან შეხვედრის შემდეგ კომიტეტის წარმომადგენელმა გიორგი მიქანაძემ განაცხადა, კომიტეტმა გურამ ოდიშარიას და ძეგლთა დაცვის სააგენტოს ხელმძღვანელს გააცნო სამი მოთხოვნა, რომელიც რამდენიმე დღეა გახმაურებული აქვს კომიტეტს. ახალგაზრდები იმედვნებენ, რომ მინისტრი დაპირებისამებრ მოთხოვნების დაკმაყოფილების მიმართულებით იმუშავებს. მიქანაძე იმედოვნებს, რომ ადგილობრივი მოსახლეობის ნაწილისა და კომიტეტის მთავარი მოთხოვნა, რომელიც საყდრისის ტერიტორიაზე სამუშაოების შეჩერებას გულისხმობ, დაკმაყოფილდება. “მინისტრი დაგვპირდა, რომ ამ მიმართულებებით იმუშავებს და ჩვენ ვიმედოვნებთ, სამუშაოები შეჩერდება”, – აღნიშნა გიორგი მიქანაძემ. გურამ ოდიშარია კომიტეტის წევრებს საჯაროდ, მედიის თანდასწრებით გაესაუბრა. მან აღნიშნა, რომ დაათვალიერა საყდრისი-ყაჩაღიანის ტერიტორია და ყოფილი ძეგლის ნაწილში კომპანია RMG სამუშაოებს არ აწარმოებს. მისი თქმით, გასული წლის აგვისტოს შემდეგ ვითარება უცვლელია. 22.04.14

Please follow and like us: