3 საათის წინ
სოციალურად დაუცველები, პენსიონერები, ვეტერანები, შშმ პირები, მარტოხელა მშობლები, არასრულწლოვნები და დევნილები ადმინისტრაციული სახდელისგან გათავისუფლდებიან
4 საათის წინ
„ნახატი, რომელშიც სული დევს, იშვიათია“- თვითნასწავლი მხატვარი ძმების ნაამბობი
5 საათის წინ
რადიოქალაქში იქნება ყველანაირი შესაძლებლობა და პლატფორმა ახალგაზრდებისთვის – კახა კალაძე
5 საათის წინ
არასრულწლოვნების პორნოგრაფიის უკანონოდ დამზადება-გასაღებისა და ტრეფიკინგის ბრალდებით შსს-მ 11 ადამიანი დააკავა, მათ შორის მშობლებიც
5 საათის წინ
ორი სამყარო, რომელშიც ვცხოვრობთ [ფოტოგალერეა]

13584ვიზიტი ხორციელდება 11-13 ივნისს, ლონდონში დაგეგმილ „კონფლიქტების დროს  ძალადობის წინააღმდეგ გლობალურ სამიტთან“ დაკავშირებით, რომელსაც მასპინძლობენ დიდი ბრიტანეთისა და ჩრდილოეთ ირლანდიის გაერთიანებული სამეფოს საგარეო და თანამეგობრობის საქმეთა სახელმწიფო მდივანი უილიამ ჰეიგი და ლტოლვილთა საკითხებში გაეროს უმაღლესი კომისრის საგანგებო წარმომადგენელი ანჯელინა ჯოლი.

აღნიშნულ ღონისძიებაზე მაია ფანჯიკიძე პირადად გაერთიანებული სამეფოს საგარეო და თანამეგობრობის საქმეთა სახელმწიფო მდივნის, უილიამ ჰეიგის მიერ არის მიწვეული. დაგეგმილია მინისტრის მონაწილეობა 12 ივნისს სამიტის პლენარულ სესიაში.

ვიზიტის ფარგლებში საქართველოს საგარეო საქმეთა მინისტრი შეხვდება გაერთიანებული სამეფოს ევროპულ საქმეთა სახელმწიფო მინისტრს, დევიდ ლიდინგტონს, დიდი ბრიტანეთის პარლამენტში საქართველოს საკითხებზე მომუშავე ინტერპარტიული საპარლამენტო ჯგუფის თავმჯდომარეს მარკ რეკლესს და ამავე ჯგუფის წევრ პარლამენტარებს.

მინისტრი ფანჯიკიძე ბრიტანულ მხარესთან შეხვედრებისას განიხილავს ორმხრივი და მრავალმხრივი ურთიერთობების საკითხებს, ყურადღება დაეთმობა საქართველოსა და ევროკავშირს შორის ასოცირების შესახებ შეთანხმების ხელმოწერისა და შემდგომი ეფექტიანი იმპლემენტაციის მნიშვნელობას, ევროატლანტიკური ინტეგრაციის პერსპექტივებს ნატოს უელსის სამიტის კონტექსტში, ოკუპირებულ ტერიტორიებზე შექმნილ ვითარებას და უკრაინის კრიზისს.

მინისტრი მონაწილეობას მიიღებს Chatham House-ში – საერთაშორისო საქმეთა სამეფო ინსტიტუტში დაგეგმილ ღონისძიებაში, სადაც წარდგება მოხსენებით თემაზე – “Georgia: European Ambitions and Regional Challenges”.

ვიზიტის ფარგლებში ასევე შედგება შეხვედრა კომპანია „ბრითიშ პეტროლეუმის“ აღმასრულებელი საბჭოს წარმომადგენლებთან.

10 ივნისს მაია ფანჯიკიძე დაესწრება ლონდონში საქართველოს საელჩოს მიღებას დამოუკიდებლობის დღესთან დაკავშირებით, რომელზეც მისასალმებელი სიტყვით გამოვა.

10.06.14

Please follow and like us: