8 საათის წინ
პატრიარქი – დღეს წირვის დროს ისეთი მძიმე იყო, მძიმე კი არა რთული იყო ლოცვა, რომ მეგონა, ვერ შევძლებდი ბოლომდე მიმეყვანა, მადლობა უფალს, მშვიდობით დამთავრდა წირვა და მივიღეთ წმინდა ზიარება
4 დღის წინ
საქართველოში ყველა სახის მუნიციპალური ტრანსპორტის მუშაობა განახლდა
7 დღის წინ
ეროვნული გამოცდები 2020 – მოსალოდნელი ცვლილებები
7 დღის წინ
საქართველოში კორონავირუსის ერთი ახალი შემთხვევა დაფიქსირდა, 11 პაციენტი კი გამოჯანმრთელდა
7 დღის წინ
გიორგი გახარია – უნდა გვახსოვდეს ის წვლილი, რომელიც ქართულმა ჯარმა მოქალაქეებთან ერთად პანდემიის წარმატებულ მართვაში შეიტანა, ყველამ ერთად შევძელით ამ რისკის ლოკალიზება და ეფექტური მართვა

unnamedთბილისის მერი დავით ნარმანია ავსტრიის ელჩს საქართველოში (რეზიდენციით ბაქო) აქსელ ვეხს შეხვდა. შეხვედრას ავსტრიის საპატიო კონსული საქართველოში, ევა ბერგერი ესწრებოდა.

შეხვედრაზე ვენასა და თბილისს შორის ურთიერთობის გაღრმავებაზე ისაუბრეს. მხარეებმა განიხილეს სამომავლო თანამშრომლობის პერსპექტივები ნარჩენების მართვის, ტრანსპორტისა და ეკონომიკის მიმართულებით. „ვისაუბრეთ ავსტრიული გამოცდილების გაზიარებასთან დაკავშირებით. რამდენიმე მიმართულება გამოვყავით – ქალაქის მარკეტინგი, საინვესტიციო პოტენციალი და ბიზნეს ფორუმის ორგანიზების საკითხი. იყო ასევე საუბარი  ქალაქებს შორის კულტურის სფეროში თანამშრომლობაზე“, – განაცხადა დავით ნარმანიამ. ავსტრიის ელჩის აქსელ ვეხის თქმით, უახლოეს პერიოდში შესაძლოა დაიგეგმოს თბილისის მერის ვიზიტი ვენაში ან თბილისის დაძმობილებულ ქალაქ ინსბრუკში. „ვისაუბრეთ იმის შესახებ, თუ რა სფეროში შეიძლება მოხდეს თბილისისთვის ავსტრიული გამოცდილების გაზიარება. შესაძლოა, ეს იყოს ნარჩენების მართვა, ეკონომიკური კავშირების გაღრმავება და სატრანსპორტო საკითხები. ავსტრიის წითელ ჯვარსა და თბილისის სამედიცინო დაწესებულებებს შორის არსებობს პარტნიორობის შესანიშნავი გამოცდილება და ვფიქრობთ ამ მიმართულებით თანამშრომლობის კიდევ უფრო გაღრმავებას“ – განაცხადა ავსტრიის ელჩმა.

Please follow and like us: