რუსეთის ბაზარზე ხილისა და ბოსტნეულის ექსპორტზე შეთანხმება მიღწეულია.

ამის შესახებ ჟურნალისტებს სოფლის მეურნეობის მინისტრმა შალვა ფიფიამ განუცხადა.

მისი თქმით, შესაბამის ხელშეკრულებას რუსეთის მომხმარებელთა უფლებებისა და მათი კეთილდღეობის დაცვის ფედერალურ საზედამხედველო სამსახურთან – “როსპოტრებნადზორთან” სამი დღის წინ მოეწერა ხელი.

“ჯერჯერობით ვერ ვიტყვით, რომელი რეგიონიდან რა დასახელების და რაოდენობის ხილი და ბოსტნეული გავა რუსეთის ბაზარზე.Uუახლოეს მომავალში ტექნიკური დეტალები უნდა გაირკვეს. სერტიფიცირების ფორმებზე ვაწარმოებთ მოლაპარაკებებს”, – განაცხადა ფიფიამ.

მინისტრის მოადგილის დავით შერვაშიძის განმარტებით, ქართული პროდუქტი რუსეთის ბაზარაზე არა ზეპირი შეთანხმებების, არამედ შესაბამისი კონტრაქტების საფუძველზე, დაახლოებით ათ დღეში გავა.

 

22.06.13

 

Please follow and like us: