1d441c85-a538-4aad-a046-7b6acca43288საქართველოს საგარეო საქმეთა მინისტრის პირველი მოადგილე დავით ზალკალიანი ვაშინგტონში ვიზიტით იმყოფება.

როგორც “თბილისი თაიმსს” საგარეო საქმეთა სამინისტროდან აცნობეს, 25 თებერვალს, ვაშინგტონში გაიმართა საგარეო საქმეთა მინისტრის პირველი მოადგილის დავით ზალკალიანის შეხვედრები აშშ-ს სახელმწიფო დეპარტამენტის და თეთრი სახლის წარმომადგენლებთან.

სახელმწიფო მდივნის თანაშემწის მთავარ მოადგილესთან საერთაშორისო ორგანიზაციების საკითხებში, ტრეისი ან ჯაკობსონთან გამართულ შეხვედრაზე განხილულ იქნა საერთაშორისო ორგანიზაციების, განსაკუთრებით გაერო-ს ფარგლებში თანამშრომლობის პრიორიტეტული საკითხები. მხარეები შეთანხმდნენ ქმედებების კოორდინაციაზე საერთაშორისო ფორუმების ფარგლებში.

საგარეო საქმეთა მინისტრის პირველმა მოადგილემ ვიზიტის ფარგლებში შეხვედრა გამართა ეროვნული უსაფრთხოების საბჭოს ბალკანეთის, შავი ზღვისა და კავკასიის დირექტორთან, ვიქტორია ტეილორთან. მხარეებმა ორმხრივი თანამშრომლობის აქტუალურ საკითხებთან ერთად განიხილეს ნატო-ს ვარშავის სამიტის სამზადისი. საუბარი ასევე შეეხო საქართველოს ოკუპირებულ რეგიონებში არსებულ ვითარებას და საქართველოს ხელისუფლების ჩართულობის პოლიტიკას იქ მცხოვრებ მოსახლეობასთან მიმართებით.

საგარეო საქმეთა სამინისტროს ცნობით, დავით ზალკალიანი ასევე შეხვდა ეროვნულ-დემოკრატიული ინსტიტუტის პრეზიდენტს კენ უოლაკს და საერთაშორისო რესპუბლიკური ინსტიტუტის ევრაზიის პროგრამების დირექტორს სტივენ ნიქსს. განხილულ იქნა საქართველოს შიდა პოლიტიკური ვითარება და დემოკრატიული რეფორმები. საქართველოში დაგეგმილ საპარლამენტო არჩევნებში ეროვნულ-დემოკრატიული ინსტიტუტისა და საერთაშორისო რესპუბლიკური ინსტიტუტის მიერ საერთაშორისო დამკვირვებელთა მისიის გაგზავნა.

(Visited 6 times, 1 visits today)

კომენტარები