ზამთრის კურორტები ბოლო ათწლეულია, რაც საქართველოს მთავარი სავიზიტო ბარათია. მომხიბვლელი მესტია, ბაკურიანი, გუდაური თუ სხვა კურორტები თავიანთი მწვერვალებით, სათხილამურო ტრასებითა და თვალწარმტაცი ხედებით. ამასთან, მრავალფეროვანი, განსხვავებული კულტურით, ღირსშესანიშნაობებითა და ტრადიციული სტუმართმოყვარეობით უამრავ სხვადასხვა ტიპის დამსვენებელს იზიდავს. ეს ყველაფერი კი მუდმივ განვითარებასა და პოპულარიზაციას მოითხოვს, რათა ბაზრზე არ დაკარგოს აქტუალობა და იყოს კონკურენტუნარიანი პროდუქტი.

თუ როგორი იყო ზამთრის ტურისტული სეზონი,  რომელ კურორტზე იყო ყველაზე მაღალი მოთხოვნა, რომელი ქვეყნიდან იყო ყველაზე მეტი ვიზიტორი შემოსული, როგორი ტიპის დამსვენებლები ჭარბობენ – გადამხდელუნარიანები თუ უფრო კემპინგის მოყვარულები,  ამ და სხვა საკითხებზე პასუხის მისაღებად The Tbilisi Times ტურიზმის ადმინისტრაციას დაიკავშირდა.

ინტერვიუდან ასევე შეიტყობთ სამედიცინო ტურიზმი განვითარების გეგმებზე, დარგის რეალურ პერსპეტივებზე.

ტურიზმის ადმინ ისტრაცია

როგორც ვიცი, წელს ზამთრის კურორტებზე საკმაოდ მაღალი მოთხოვნა დაფიქსირდა. თქვენი ინფორმაციით, რამ განაპირობა ეს, რა ცვლილებები მოხდა კურორტებზე?

– ზამთრის სეზონი ისევე როგორც 2015 წელს წარმატებული აღმოჩნდა საქართველოსთვის. ტურიზმის ეროვნული ადმინისტრაციის მიერ ჩატარებული სატელეფონი კვლევის შედეგად გამოიკითხა ბაკურიანის, გუდაურის და მესტიის განთავსების ობიექტები. კვლევის შედეგად გაირკვა, რომ მიმდინარე ზამთრის სეზონი 7.2 პროცენტული ერთეულით უფრო დატვირთული იყო ვიდრე წინა წლის ანალოგიური პერიოდი. აღნიშნული შედეგი საქართველოს ტურიზმის ეროვნული ადმინისტრაციის ძალისხმევის შედეგად იქნა მიღწეული:

ადმინისტრაციის მიერ ზამთრის პერიოდში დამატებით განხორციელდა მარკეტინგული კამპანიები 13 ქვეყანაში, სადაც აქცენტი საქართველოს ზამთრის ტურისტულ პოტენციალზე იქნა გამახვილებული.

საქართველოს ზამთრის კურორტების შესახებ მომზადდა სატელევიზიო  და რადიო გადაცემები.

ტურიზმის ეროვნული ადმინისტრაციის ორგანიზებით, საქართველომ მონაწილეობა მიიღო ოთხ ზამთრის საერთაშორისო ტურისტულ გამოფენაში.

აღსანიშნავია, რომ  ზამთრის კურორტეზე შიდატურიზმის პოპულარიზაციას ხელი შეუწყო ჩვენმა პროექტმა „გაიცანი საქართველო.“  ყოველივე ამის შედეგად მივიღეთ ზამთრის კურორტებზე უფრო მაღალი მოთხოვნა.

რომელი ქვეყნიდან იყო ყველაზე მეტი ვიზიტორი, როგორი ტიპის დამსვენებლები ჭარბობენ – გადამხდელუნარიანები თუ უფრო კემპინგის მოყვარულები?

საერთაშორისო ვიზიტორების რაოდენობა 2015-2016  წლის დეკემბერიიანვრის პერიოდში წინა წელთან შედარებით 6 %-ით არის გაზრდილი. ვიზიტორთა რაოდენობის 90% კვლავ მეზობელი ქვეყნებიდან ფიქსირდება, ზრდა წინა წლის ანალოგიურ პერიოდთან შედარებით +4 %-ია. ათეულში  ასევე შედიან შემდეგი ქვეყნები: უკრაინა (ზრდა +10%), ყაზახეთი (ზრდა +19%), ისრაელი (ზრდა +55%), ამერიკის შეერთებული შტატები (ზრდა +11%), ინდოეთი (ზრდა +524%) და ირანი (ზრდა +74%). ევროკავშირის ქვეყნებიდანაც 5%-იანი ზრდა დაფიქსირდა. ზრდის თვალსაზრისით კი გამოირჩეოდნენ გერმანია (ზრდა +5%), გაერთიანებული სამეფო (ზრდა +5%), საფრანგეთი (ზრდა +33%), იტალია (ზრდა +30 %) და ლატვია (ზრდა +70%). წინა წლების საერთაშორისო მოგზაურების კვლევის მიხედვით, აღნიშნული ქვეყნები ძირითადად მაღალი ხარჯვითუნარიანობით გამოირჩევიან.

12325703_922359624548427_1326532720_oრომელ კურორტზე იყო ყველაზე მაღალი მოთხოვნა (ხუთეული როგორ გამოიყურება)?

საერთაშორისო მოგზაურების მახასიათებლების კვლევის მიხედვით 2013 წლის   ზამთრის პერიოდში მონახულებული ადგილების სამეული შემდეგია: თბილისი, ბათუმი და ყაზბეგი.

რა გეგმები აქვს ადმინისტრაციას საქართველოში კურორტების გასავითარებლად?

– ადმინისტრაციის ერთ-ერთ ძირითად საქმიანობას წარმოადგენს ტურისტული პროდუქტისა და მცირე ინფრასტრუქტურის განვითარება ქვეყნის მასშტაბით, რომელიც მიმართულია საქართველოში არსებული კურორტებისა და სხვა ყველა ტურისტულად მიმზიდველი ადგილების გასავითარებლად.  ზემოაღნიშნული ტიპის პროექტები მოიცავს ტურისტული მარშრუტების კვლევასა და მარკირებას, ადაპტირებული გარემოს შექმნას .. პირებისთვის, საინფორმაციო და მიმართულების მანიშნებლების/ ბილბორდების განთავსებას და სხვა.

გამომდინარე იქიდან, რომ საქართველოში სამედიცინო ტურიზმზე დიდი მოთხოვნაა, როგორ აპირებთ მის განვითარებას, რა სიახლეები იგეგმება მომხმარებელთა ზრდისთვის?

– საქართველოს სამედიცინო ტურიზმის  განვითარების დიდი პოტენციალი გააჩნია. ამ ეტაპზე ტურიზმის ადმინისტრაცია ახორციელებს ამ მიმართულებით:

ობიექტების/პროვაიდერების აღრიცხვას და შეფასებას, რათა შეძლოს ტურისტებისთვის ხელმისაწვდომობის გაუმჯობესება ინტერაქტიული პორტალის საშუალებით.

ასევე მოხდება სხვადასხვა სახის სარეკლამო-საინფორმაციო მასალების (ბროშურები, გზამკვლევები) მომზადება და გავრცელება, რათა ხელი შევუწყოთ ტურიზმის ამ სახეობის პოპულარიზაციას.

ირანელთათვის გამარტივებული სავიზო რეჟიმით რა შედეგებს ელოდებით, შემოსავლების დაახლოებით რამხელა პროცენტით გაზრდის?

ირანიდან საერთაშორისო შემოსვლების რეკორდული მაჩვენებელი 2012 წელს დაფიქსირდა (89 697 ვიზიტორი, ზრდა +49%). 2015 წელს მოგზაურთა რიცხვმა 25 264 შეადგინა. გამარტივებული სავიზო პოლიტიკა ხელს შეუწყობს ირანიდან საერთაშორისო მოგზაურების რაოდენობის ზრდას, რაც ახალი რეკორდული მაჩვენებელის მისაღწევად წინ გადადგმული ნაბიჯია, აღსანიშნავია, რომ თბილისისა და ბათუმის საერთაშორისო აეროპორტების ოპერატორი კომპანიატავ ჯორჯიასამ უმსხვილეს ირანულ ავიაკომპანიასთან – „Mahan Air”, „ATA Airlines” და „Qeshm Airlines”- თან აქტიურ მოლაპარაკებებს აწარმოებს. ავიაკომპანია „ATA Airlines” ქართულ ავიაბაზარზე შემოსვლას თებერვლის ბოლოდან გეგმავს, ხოლო „Mahan Air” და „Qeshm Airlines” თბილისის საერთაშორისო აეროპორტიდან თეირანის მიმართულებით რეგულარულ ფრენებს სავარაუდოდ მარტიდან შეასრულებენ. ეს  კი თავის მხრივ  გაზრდის  შემოსავლებს საერთაშორისო ტურიზმიდან.

მე ასევე დაუკავშირდი ზამთრის კურორტებში არსებულ წამყვან  5 სასტუმროს და ვთხოვე შეეფასებინათ, ზამთრის ტურისტული სეზონი, რამდენად კმაყოფილები იყვნენ ვიზიტორების ნაკადით, ასევე, ესაუბრათ სამომავლო გეგმებზე, თუმცა, სამწუხაროდ, ჩვენი მრავალკვირიანი კონტაქტის მიუხედავად, მათგან პასუხის მიღება ვერ მოხერხდა.

მარიამ ტაკაშვილი

Please follow and like us: