1 დღის წინ
ირაკლი კობახიძე – „ნაციონალურ მოძრაობას“ გრიგოლ ვაშაძით 17 %-იანი შედეგის გამეორება გაუჭირდება
2 დღის წინ
თბილისის მერია საზაფხულო სკოლების, ბანაკებისა და სალაშქრო ტურების გაკეთებას იწყებს
2 დღის წინ
ვულოცავ საქართველოს იმ წარმატებას, რომელიც ალიანსში გაწევრიანებისკენ მიმავალ ქვეყანას ესაჭიროება – აშშ სენატის ჰელსინკის კომისიის თავმჯდომარე
2 დღის წინ
“საპრეზიდენტო არჩევნებთან დაკავშირებით პოლიტსაბჭოსა და უმრავლესობის ფორმატში კონსულტაციები, სავარაუდოდ, ივლისის ბოლო კვირაში გაიმართება”
2 დღის წინ
სოლარიუმში ხშირ სტუმრობას რა უკუჩვენებები აქვს?!

სასჯელაღსრულებასასჯელაღსრულებისა და პრობაციის სამინისტრო  2016 წელს  პირველად დასახელდა 100 %-ით გამჭვირვალე საჯარო უწყებად.  სასჯელაღსრულების და პრობაციის მინისტრ კახა კახიშვილს,  როგორც ერთ-ერთი ყველაზე გამჭვირვალე საჯარო უწყების ხელმძღვანელს,  ინფორმაციის თავისუფლების განვითარების ინსტიტუტის (IDFI-ის) სპეციალური ჯილდო –  „2016 წლის საჯარო ინფორმაციის ხელმისაწვდომობის უზრუნველყოფისათვის“ გადაეცა.

„სასჯელაღსრულებისა და პრობაციის სამინისტრო პირველად დაჯილდოვდა, როგორც 100 %-ით გამჭვირვალე უწყება.  ასევე, სამინისტროსთან  ერთად დაჯილდოვდა ჩვენი   ორი დანაყოფი – პრობაციის ეროვნული სააგენტო და სასჯელაღსრულებისა და პრობაციის სასწავლო ცენტრი. ჩვენ მუდმივად მზად ვართ გამჭვირვალე საქმიანობისთვის.  საზოგადოებამ უნდა მიიღოს პასუხები იმ კითხვებზე, რომელიც გააჩნია,“_ განაცხადა კახა კახიშვილმა.

ინფორმაციის თავისუფლების განვითარების ინსტიტუტის (IDFI) თავმჯდომარის, გიორგი კლდიაშვილის განცხადებით, სასჯელაღსრულებისა და პრობაციის სამინისტრო, ისე როგორც მისდამი დაქვემდებარებული საჯარო სამართლის იურიდიული პირები 2016 წელს გამოირჩევიან  100%-იანი  მაჩვენებლით.

„სასჯელაღსრულებისა და პრობაციის სამინისტრომ  სრულყოფილად და ვადის დაცვით გასცა პასუხი ყველა შეკითხვას. მისასალმებელია ის 100%-იანი მაჩვენებელი, რაც აქვს სასჯელაღსრულებისა და პრობაციის სამინისტროს და მისდამი დაქვემდებარებულ სსიპ-ებს.  ამიტომაც, სამინისტრო პირველად დაჯილდოვდა  IDFI-ის მიერ,“ _  განაცხადა გიორგი კლდიაშვილმა.

საქართველოს სასჯელაღსრულებისა და პრობაციის სამინისტრო მუდმივად მუშაობს ინფორმაციის ხელმისაწვდომობის სისტემის დახვეწაზე. ღია მმართველობის კონცეფციიდან გამომდინარე,   სამინისტრო გამჭვირვალობის პრინციპებს იცავს და  აქტიურად თანამშრომლობს სხვადასხვა არასამთავრობო ორგანიზაციებთან.  ასევე, აქტიურად  იყენებს  საჯარო ინფორმაციის ხელმისაწვდომობასთან დაკავშირებით ჩატარებულ კვლევებსა თუ რეკომენდაციებს პრაქტიკაში.

 

(Visited 43 times, 1 visits today)

კომენტარები