„ორივე მხარე საკუთარი პოზიციების ტყვეობაშია, უმრავლესობას რეფორმის განხილვის ფორმატის ხელიდან გაშვება არ უნდა, მეორე მხრივ აღიქმება,რომ პრეზიდენტის მხრიდან პარალელური პროცესის შექმნის მცდელობაა“. ამის შესახებ საკონსტიტუციო კომისიის წევრმა მიხეილ ბენიძემ, ტელეკომპანია „იმედზე“, გადაცემა „ქრონიკის“ ეთერში ისაუბრა.

„ჩვენც ბევრი შენიშვნა გვაქვს საკონსტიტუციო კომისიასთან და მის მუშაობასთან დაკავშირებით, მათ შორის რამდენად აუცილებელი იყო ასეთი ფართო რეფორმა და იყო თუ არა საზოგადოების დაკვეთა. მნიშვნელოვანია ასევე საკონსტიტუციო განხილვის საგანი. როგორც პარლამენტის თავმჯდომარემ, ასევე პრეზიდენტმა და მისმა ადმინისტრაციამ უნდა ეცადოს,რომ ნაბიჯები გადადგან არა ვითარების გამწვავებისკენ, პირიქით კოორდინაციისკენ.

რა თქმა უნდა საზოგადოებრივი განხილვა მნიშვნელოვანია თუმცა, არ უნდა მოხდეს აზრების გაფანტვა და პარალელური პროცესის წარმართვა. ამ საკონსტიტუციო რეფორმაში ჯერჯერობით საზოგადოებრივი განხილვა არ არის და არ მგონია, რომ მათ აქვთ სრულყოფილი ინფორმაცია. ასეთ რეჟიმში საზოგადოება ნდობას კარგავს მთლიანად პროცესისადმი,“ – განაცხადა მიხეილ ბენიძემ.

მანანა ღოღობერიძე

(Visited 59 times, 1 visits today)

კომენტარები