“საქართველოს საზღვრებს დღეს ვიკავებთ მხოლოდ ისტორიული ძეგლებით. ტაო-კლარჯეთში გვაქვს ისტორიული ძეგლები, მერე რა? ჰერეთში ცხოვრობენ ქართველები, მერე რა?”, – ამის შესახებ, ასისტენტ-პროფესორმა, გიორგი მიქანაძემ საზოგადოებრივ მაუწყებელზე, გადაცემა “ყველა კითხვას” ეთერში ისაუბრა.

“გამოსავლის ძებნისას მხოლოდ ნეგატიურ კონტექსტში საუბარი არ იქნება სწორი. ერთი მხრივ ვამბობთ, რომ პატრიარქს და საპატრიარქოს არანაირი რესურსი და ბერკეტი არ აქვს, პატრიარქი არ უნდა ჩავიდეს რუსეთში, ბევრი კვალიფიცირებული არ იშურებს საკრიტიკო სიტყვებს უწმინდესის მიმართ. მეორე მხრივ კი ამ თემის გარშემო ვტრიალებთ და გამოსავლად მიგვაჩნია.

გამოსავალი უნდა მოიძებნოს სხვანაირად, დიპლომატიურად ყველაფერი გაკეთდა. მეტ-ნაკლებად ინტელექტუალურ ნაწილს უნდა ჰქონდეს ჩამოყალიბებული პოზიცია. საერთაშორისო ზეწოლა არის დიდი ბერკეტი, მაგრამ რიგ საკითხებში ჩვენთვის ვერაფერი შედეგი მოაქვს.

კარგია ის ფაქტი, რომ აფხაზებს არ მოსწონთ რაღაცები რუსეთისგან. შეიძლება რაღაც შესთავაზო ალტერნატივა და გამუდმებით გვქონდეს ხელი გაწვდილი აფხაზებისკენ. ჩვენს დიალოგებში არ უნდა დაინახონ მათთან ურთიერთობის ჩიხის პერსპექტივები”, – განაცხადა გიორგი მიქანაძემ.

მანანა ღოღობერიძე

(Visited 74 times, 1 visits today)

კომენტარები