ის რომ, „ჯანსაღ სხეულში ჯანსაღი სულია“ ყველა თანხმდება – სიჯანსაღე, რომ სპორტთან ასოცირდება ესეც არ არის სადავო საკითხი. ამჯერად ერთ -ერთ ულამაზეს, გრაციოზულ და დახვეწილი სპორტულ სახეობაზე – მხატრულ ტანვარჯიშზე შევაჩერებ თქვენს ყურადღებას.
გასულ წელს მხატრული ტანვარჯიშის სტუდია – “Kids Gymnastic-ი ჩამოყალიბდა. სტუდიის არსებობის მოკლე პერიოდის მიუხედავად, მსურველთა რაოდენობა ყოველ დღე იზრდება. როგორც სტუდიის ხელმძღვანელი მანანა მუმლაური „თბილისი თაიმსთან“ საუბრისას აღნიშნავს, მათი სტუდია ყველა სეგმეტისთვის არის გათვლილი. სტუდია მოიცავს უნივერსაულრი სწავლების, როგორც პროფესიონალურ ასევე გამაჯანსაღებელ მეთოდს. სტუდიის ჩამოყალიბების მიზანზე, ცენტრში არსებულ პირობებზე და მის სამომავლო გეგმებზე ინტერვიუდან შეიტყობთ.
ქალბატონო მანანა, რამდენი ხანია რაც არსებობს მხატრული ტანვარჯიშის სტუდია – “Kids Gymnastic” და რამდენი ბავშვი ვარჯიშობს?
– ჩვენი სტუდია – “Kids Gymnastic” ახალი სიტყვაა სპორტის ამ სახეობაში. ამჟამად ჩვენი სტუდია შედგება 60-ზე მეტი მოსწავლისგან, თუმცა ეს რიცხვი ყოველდღე იზრდება. მხატვრულ ტანვარჯიშზე უკვე დიდი მოთხოვნაა.
რამდენად ხელმისაწვდოამია გადასახადი, სოციალურად დაუცველი ოჯახების ბავშვებზე თუ არის შეღავათი?
– ჩვენი სტუდია გათვლილია ყველა სეგმენტზე. ბავშვები, რომლებიც არიან სოციალურად დაუცველი ან მრავალშვილიანი ოჯახიდან, სწავლის საფასურის ნახევარს იხდიან. ასევე შეღავათი გვაქვს დედმამიშვილებზე. სტუდიის მისამართია – დიღმის მასივში, მიქელაძის N7 (სატუმრო „444“ შენობაში).
რამდენად ბევრია დღეს მსგავსი სტუდია და თუ არის ჯანსაღი კონკურენცია? რითი გამოირჩევა თქვენი სტუდია სხვა მსგავსი სტუდიებისგან?
– დღესდღეობით მხატვრული ტანვარჯიში პოპულარულ და მოთხოვნად სპორტის სახეობას მიეკუთვნება. შესაბამისად, მომრავლდა სტუდიების რაოდენობა. კონკურენცია რა თქმა უნდა არსებობს და ეს კარგიცაა, ვინაიდან ყველა მშობელს და ბავშვს განსხვავებული კრიტერიუმები და სურვილები გააჩნია, სტუდიების სიმრავლე კი აძლევს მათ საშუალებას თვიონ აირჩიონ მათთვის სასურველი პირობები. ჩვენი სტუდია მაქსიმალურად ცდილობს მოერგოს ყველანაირ კრიტერიუმს, რომელიც სრულიად დააკმაყოფილებს მშობლის თუ ბავშვის მოთხოვნას. “Kids Gymnastic”-ი – სთავაზობს უნივერსაულრი სწავლების, როგორც პროფესიონალურ ასევე გამაჯანსაღებელ მეთოდს. ვარჯიშებს ატარებს პროფესიონალი და გამოცდილი ტანმოვარჯიშე, რომელიც ორიენტირებულია ბავშვების შედეგზე. ჩვენი სტუდიის მოსწავლეები სიხარულით და მონდომებით ვარჯიშობენ, ეს გამოწვეულა – მეგობრული და თბილი გარემოთი, რომელიც მათ ხვდებათ. დამეთანხმებით, სწორედ გარემო და პროფესიონალიზმი არის მთავარი სრულყოფილი შედეგისთვის.
მოგვიყევით რა არის სტუდიის სამომავლო გეგმები…
– ჩვენი სტუდიის გეგმები საკმაოდ დიდი და მრავალფეროვანია. გეგმაში გვაქვს შეჯიბრებების ჩატარება, ვინაიდან ჩვენი ბავშვები უკვე გადადიან სერიოზულ ეტაპზე. მათ ეტაპობრივად უტარდებათ წამახალისებელი აქტივობები, რის შედეგადაც ჯილდოვდებიან. ასევე გეგმაში გვაქვს მივიღოთ მონაწილეობა სხვადასხვა საქველმოქმედო ღონისძიებებში და გავახაროთ სხვა პატარები. ზაფხულისთვის იგეგმება შეკრებები ე.წ. „ზბორები“, რომელიც ძალიან ნაყოფიერი და საინტერესო იქნება. დანარჩენ ჩვენს გეგმებს ჯერჯერობით საიდუმლოდ დავიტოვებთ.
თუ რატომ უნდა აირჩიოთ მხატრული ტანვარჯიში, რა არის სპორტის ამ სახეობის უპირატესობები, რა ასაკიდან არის რეკომენდირებული ბავშვის მიყვანა ტანვარჯიშზე, ამ და სხვა საინტერესო საკითხებზე „თბილისი თაიმსს“ სტუდია – kids gymnastic -ის მხატრული ტანვარჯიშის მასწავლებელი – დიანა მიქაია ესაუბრა.
„მხატვრული ტანარჯიში უნივერსალური სპორტის სახეობაა, რომელიც მოზარდს ეხმარება ფიზიკურ ჩამოყალიბებაში სრულად. მოზარდი, რომელიც ამ სპორტის სახეობით არის დაკავებლი არის მუდამ ფორმაში, თავისუფლდება სქოლიოზის და ბრტყელტერფიანობისგან. მხატვრული ტანვარჯიში ასე ვთქვათ “ახალგაზრდა” სპორტის სახეობაა. ეს გულისხმობს იმას, რომ კარიერას ტანმოვარჯიშეები სხვა სპორტსმენებთან შედარებით მალე ასრულებენ. ამიტომ, რაც უფრო ადრე დატვირთავთ ბავშვს ამ სპორტით მით უკეთესია მისი მომავლისთვის. პირადად მე 3 წლის ვიყავი როდესაც დავკავდი სპორტის ამ სახეობით და საკმაოდ კარგ შედეგსაც მივაღწიე. ჩვენთან ბავშვების მოღება, ძირითადად 3-15 წლამდე ხდება, რა საკვირველია 12 წელს ზევით ბავშვები გაჯანსაღების მიზნით დადიან, ვინაიდან პროესიონალური ვარჯიშები მათთვის რთული შესასრულებელია.
მოსამზადებელ ეტაპზე ვარჯიში ერთი საათი გრძელდება. ამ დროის განმავლობაში, ბავშვები ვარჯიშობენ სრული დატვირთვით, რაც სრულიად საკმარისია მათი ფიზიკური მობილიზაციისათვის. მომდევნო ეტაპზე, ვარჯიშის ხანგრძლივობა იზრდება, ეს დამოკიდებულია ბავშვის მზადყოფნაზე. კვება ძალიან მნიშვნელოვანია ნებისმიერ სპორტის სახეობაში. მხატვრული ტანვარჯიშის შემთხვევაში კი ორმაგად მნიშვნელოვანია, რადგან ტანმოვარჯიშე მუდამ უნდა იყოს ფორმაში. იმისთვის, რომ ბავშვმა მსუბუქად ივარჯიშოს სასურველია ვარჯიშამდე ნახევარი საათით ადრე მიირთვას საკვები, ხოლო ვარჯიშის შემდეგ, ნახევარ საათი არაფერი მიირთავას, გარდა ხილისა.
იმის მიუხედავად, რომ მხატვრული ტანვარჯიში რთული და შრომატევადი სპორტია, იგი ძალიაან ლამაზი და დახვეწილია. ყველა ტანმოვარჯიშე გოგონა გამოირჩევა დახვეწილი სხეულით, გრაციოზულობით. გოგონები ხდებიან მეტად მიზანდასახულები, შრომისმოყვარეები, თავდაჯერებულები და დისციპლინირებულები. ჩემი რჩევაა, ბავშვი ადრეული ასაკიდან დააკავოთ ამ სპორტით, რადგან ნამდვილად არ დარჩებით უკმაყოფილოები. წარმატების შემთხვევაში (რაც ძალიან ხშირია) ბავშვები მოივლიან მსოფლიოს. ასევე გაჯანსაღების მიზნით ბავშვის შეყვანა ტანვარჯიშზე სწორი გადწყვეტილებაა, ვინაიდან შედეგი გარანტირებულია.“