ლესელიძის ხალხმრავალ, ხმაურიან ქუჩას მივუყვები. მეც ამ ხმაურისა და ქაოსის წევრი ვხდები. მომწონს, უბრალოდ რომ მივდივარ, თუმცა თვალით სასურველ ადგილს ვათვალიერებ. უცებ, ვჩერდები და ვხედავ გაცრეცილ წარწერას City Time,  იმ წამსვე ვიწყებ ფიქრსა და წარმოდგენების შექმნას, თუ როგორი გარემო და ინტერიერი დამხვდება იქ მისულს. მართალია რაც ბრწყინავს ოქრო არაა და პირიქით, ერთი შეხედვით არასოდეს უნდა ენდო ვიზუალს. შესვლისთანავე წინასწარ წარმოდგენილი ილუზიებს სასიამოვნო გარეგნობის ახალგაზრდას ღიმილი აქრობს. დაბნეული ვეუბნები, რომ შეხვედრაზე ვარ და ისიც თავაზიანად რამდენიმე წუთით მოცდას მირჩევს. სწორედ, აქ იწყება მოგზაურობა.

City Time მაჩაბლის ქუჩის მოსახვევში, კუთხეში, ისტორიული შენობის ქვედა სართულზეა განთავსებული. შესვლისთანავე ადვილი შესამჩნევია გამორჩეული, უნიკალური დიზაინი და საოცრად თავაზიანი პერსონალი.

თუ ქალაქის თავბრუდამხვევ აურზაურს გინდათ მოწყდეთ და დაისვენოთ, City Time იმაზე მეტს გთავაზობთ, ვიდრე თქვენ გგონია. ადგილი, რომელიც ერთ სივრცეში მაქსიმალურად კომფორტულ გარემოს, დასვენებასა და გართობას გთავაზობთ.

შესანიშნავი საფარია წყვილისთვის, საღამოს, ჭიქა წითელ ღვინოსთან ერთად. ფუმფულა, კომფორტული დივნები, ოვალური მაგიდები და დახვეწილი ფერები იდეალური ადგილია, შუადღის ლანჩისთვის.

საუკეთესო მუსიკა, ფერადი კოქტეილები არაჩვეულებრივი შემოთავაზებაა საღამოს მეგობრებთან ერთად დასვენების და გართობისთვის.  

მოგზაურობა გრძელდება, რამდენიმე წუთის შემდეგ, ჩემკენ მხიარული, მომღიმარი ქალბატონი გამოეშურა. ნინო მარსაგიშვილი, ექიმი, ფსიქოთერაპევტი, დიზაინერი  City Times-ის დამფუძნებელია. სასაუბროდ წყნარ ადგილს მთავაზობს და ლაუნჯ-ბარის გახსნის ისტორიას იხსენებს.

„ეს ადგილი ჩემს მშობლებს ეკუთვნოდათ. ერთ დღესაც სრულიად მოულოდნელად ძველი ბომბები აღმოაჩინეს და ამის გამო, მთლიანად გათხარეს. მუდმივად მქონდა სურვილი, თავად წამომეწყო რაღაც ისეთი საქმიანობა, რომელიც ჩემი იქნებოდა და თან სიამოვნებით გავუძღვებოდი. ამიტომ, გადავწყვიტე, გამეკეთებინა ბარი, რომელიც მომხმარებელს სრულიად მყუდრო და მშვიდ გარემოს შესთავაზებდა ქაოსისგან თავის დასაღწევად.“

არ გასჭირვებია თითოეული დეტალის საკუთარი ხელით შექმნა, ყველაფერზე დღემდე თავად ზრუნავს. არჩევს სასიამოვნო ფერებს,ქმნის მყუდრო და სასიამოვნო გარემოს.

„დიზაინზე თავად ვზრუნავ. City Time მინდა, ყველასთვის სასურველ ადგილად იქცეს. სადაც ნებისმიერი ასაკისა და გემოვნების ადამიანს მოუნდება მოსვლა და დროის გატარება. ყოველ დეტალზე ძალიან ბევრი მაქვს ნაფიქრი. ყველაფერს ძალიან მარტივად გააკეთებ თუ აცნობიერებ, რა გაქვს ,რა გინდა რომ გქონდეს და ითვალისწინებ მომხმარებლის სურვილებს და გემოვნებას.“

მიუხედავად იმისა, რომ ამ სფეროში დიდი კონკურენცია, ცდილობს საკუთარი განმასხვავებელი ნიშა იპოვნოს და ამით გახადოს ბარი გამორჩეული და ყველასგან განსხვავებული.

„მომსახურების სფეროში კონკურენცია მართლაც დიდია, რადგან ადგილობრივი ბაზარი წლების განმავლობაში იქმნებოდა და ამ დროისთვის თბილისში ასობით მსგავსი ბარია  წარმოდგენილი. თუმცა, ჩვენი უპირატესობა მომსახურების ხარისხი, გამორჩეული თანამშრომლები და უგემრიელესი სამზარეულო. ვცდილობ  ქართული ნაციონალური კერძები ევროპულ დიზაინს შევურწყა. თითოეული ქართული კერძი, როგორც ხელოვნების ნიმუში ისე აღიქვას უცხოელმა. ჩვენი სამზარეულო გემოს გარდა აქცენტს მის ვიზუალზეც, ხელოვნებაზე აკეთებს.“

ლაუნჯ-ბარი მომხმარბელებს კერძებისა და სასმელების ფართო არჩევანს სთავაზობს, რომელიც გამორჩეულია თავისი გემოთი და არომატით.

„გვაქვს ევროპული და ტრადიციული კერძების დიდი არჩევანი, ასევე ფართოა ალკოჰოლური და უალკოჰოლო სასმელების ასორტიმენტიც. ქართული კერძები განსაკუთრებით პოპულარობით სარგებლობს ჩვენს უცხოელ სტუმრებში. გარდა აღნიშნულისა, ჩვენთან მზადდება უგემრიელესი დესერტები და სხვადასხვა ტკბილეული… სურვილის შემთხვევაში, შეგვიძლია ფურშეტებისა და ბიზნეს ლანჩების ორგანიზებაც.“

რაც შეეხება ფასებს, მენიუ და მომსახურება საშუალო სეგმენტის მომხმარებელზეა გათვლილი.

„ვეცადეთ, ფასები შეძლებისდაგვარად დემოკრატიული ყოფილიყო. სამომავლოდ ბევრ სიახლეს ვგეგმავთ. სიახლეებს მენიუში,  ვაპირებთ ინტერიერის შეცვლასაც. City Time თავის არაჩვეულებრივ გუნდთან ერთად მუდმივად მზადაა სასიამოვნოდ გაატარებინოს ჩვენთან მოსულ სტუმრებს, ასევე უმასპინძლოს ქორწილებს, კონფერენციებსა და ფურშეტებს.

დაბოლოს, მოგზაურობის დასასრულს ჭიქა ყავა უნდა მიირთვათ სასიამოვნო მუსიკის ფონზე და დატკბეთ გარემოთი, რომელიც სხვაგან არსად შეგხვდებათ.

მარიამ ლეკიაშვილი

 

 

 

(Visited 20 times, 1 visits today)

კომენტარები