10 წთ წინ
კახა საბანაძე: “გაკეთდება მაქსიმალური იმისთვის, რომ გამოძიების კონკრეტული შედეგები დაიდოს უსწრაფესად”
12 წთ წინ
დავით სერგეენკოს ცნობით, დიღომში აფეთქების შედეგად შვიდი ბავშვია დაშავებული
17 წთ წინ
დიდ დიღომში, აფეთქების შედეგად დაზარალებულ ოჯახებს თბილისის მერია დროებითი საცხოვრებლით დაეხმარება
6 საათის წინ
მიხეილ ბატიაშვილი: „ჩვენ გავასამმაგეთ ბიუჯეტი ინფრასტრუქტურის განახლებისთვის. ჩვენი შვილები არ უნდა იღებდნენ განათლებას იმ პირობებში, რომელიც სკოლების გარკვეულ ნაწილში დღემდე არსებობს“
8 საათის წინ
ომბუდსმენი – უსინათლო ბავშვებისთვის მხოლოდ ერთი სკოლაა, რის გამოც მათ უწევთ დატოვონ სახლები და თბილისში ჩამოვიდნენ

აშშ-ში, რამდენიმე დღის წინ, The Boston Globe-მა მოუწოდა მედიასაშუალებებს, შეუერთდნენ კამპანიას და 16 აგვისტოს ნომრებში, გამოაქვეყნონ სარედაქციო სტატიები, სადაც ისინი დონალდ ტრამპს მედიაზე არაერთი თავდასხმისთვის გააკრიტიკებენ. თავდაპირველად, კამპანიას 100-მდე ჟურნალ-გაზეთი შეუერთდა, თუმცა, BBC წერს, რომ მედიასაშუალებების რაოდენობამ 300-ს გადააჭარბა.

The Boston Globe-ის რედაქციაში ფიქრობენ, რომ პრეზიდენტი, მედიის წინააღმდეგ, „ბინძურ ომს“ აწარმოებს. რედაქცია დღეს გამოაქვეყნებს წერილს, რომელშიც საუბარი იქნება პრეზიდენტის ადმინისტრაციის მიერ მედიაზე თავდასხმის საფრთხეებზე.

აშშ-ის მედიასაშუალებების გარდა, კამპანიას ბრიტანული The Guardian-იც შეუერთდა. „ტრამპი პირველი პრეზიდენტია, რომელიც მიზანმიმართული, თანმიმდევრული პოლიტიკით ძირს უთხრის, საფრთხეში აგდებს მედიის მუშაობას“ – წერს ბრიტანული გამოცემა სარედაქციო წერილში.

დონალდ ტრამპმა არაერთხელ დაადანაშაულა მედია სიცრუის ტირაჟირებასა და „ყალბი ამბების“ შექმნაში. 30 ივლისს ეს თემა მასთან ერთად განიხილა The New York Times – ის გამომცემელმა არტურ გრეგ სულსბერგერმა. მან შეშფოთება გამოთქვა იმის გამო, რომ აშშ-ს პრეზიდენტი ჟურნალისტებს „ხალხის მტრებად“ მიიჩნევს.

გაზიარება