6 საათის წინ
პატრიარქი – დღეს წირვის დროს ისეთი მძიმე იყო, მძიმე კი არა რთული იყო ლოცვა, რომ მეგონა, ვერ შევძლებდი ბოლომდე მიმეყვანა, მადლობა უფალს, მშვიდობით დამთავრდა წირვა და მივიღეთ წმინდა ზიარება
4 დღის წინ
საქართველოში ყველა სახის მუნიციპალური ტრანსპორტის მუშაობა განახლდა
6 დღის წინ
ეროვნული გამოცდები 2020 – მოსალოდნელი ცვლილებები
7 დღის წინ
საქართველოში კორონავირუსის ერთი ახალი შემთხვევა დაფიქსირდა, 11 პაციენტი კი გამოჯანმრთელდა
7 დღის წინ
გიორგი გახარია – უნდა გვახსოვდეს ის წვლილი, რომელიც ქართულმა ჯარმა მოქალაქეებთან ერთად პანდემიის წარმატებულ მართვაში შეიტანა, ყველამ ერთად შევძელით ამ რისკის ლოკალიზება და ეფექტური მართვა

“რა ხდება ტელეკომპანია “იმედის” თავს?! მარიხუანას თემაზე ორი თვეა ჩაიწერა გადაცემა “პრაიმ შოუში” და არ უშვებენ ეთერში”-ამის შესახებ ლექტორი და ეკონომიკური პოლიტიკის მკვლევარი, გიორგი მიქანაძე საკუთარი ფეისბუკის გვერდზე წერს.

“რა ხდება ტელეკომპანია “იმედის” თავს?!

მარიხუანას თემაზე ორი თვეა ჩაიწერა გადაცემა “პრაიმ შოუში” და არ უშვებენ აშკარად ეთერში.

გადაცემაში მონაწილეობდა ლადო კახაძეც, ორი სასულიერო პირი, იყვნენ სხვა მხარეებიც. რა თქმა უნდა, სუსტი იყო პოზიცია ოპონენტებისა.

საბოლოო პათოსი იყო ისეთი, რომ ყველა შეთანხმდა ამ პოლიტიკის და თანმიმდევრულობის ფორსირებულ სიბეცეზე. მათ შორის აქტიურად და სიტყვაწყლიანად ლადო კახაძე გამოირჩეოდა, რომელსაც კულტივაციისა და პლანის ამ კამპანიის სერიოზული წინააღმდეგი იყო.

არადა… ეს გადაცემა, ისე წავიდა, იქნებოდა სერიოზული ლაკმუსის ქაღალდი. ყველაფერი თეთრით შავზე დაიდო!

არ ვიცი კულუარებში რა მოხდა – სარედაქციო პოლიტიკაა, სამთავრობო პოლიტიკაა, – არ ვიცი.

საკმაოდ საგანგაშო რამ არის სიტყვის თავისუფლებისა და აზრის თავისუფალი გამოხატვის მხრივ. ერთადერთია, მიზანმიმართულად კეთდებოდეს იმდენად მძიმე რამ ამბავი არის. ესეც პრობლემაა.

მიუხედავად ჩემი სოლიდარობისა და პატივისცემისა ჟურნალისტური და საპროდუსერო გუნდის მიმართ, არაერთხელ ვყოფილვარ სტუმრად, მე ამ გადაცემაში აღარ მივალ, თუ ეს არ გავა ეთერში. მართალია, ერთი რიგითი ვიყავი, თუმცა პირადი გამორჩენისთვის არასდროს მიაქტიურია. ყოველთვის, როგორც რიგითი მოქალაქე ვაფიქსირებდი აზრს. და ასე რიგითები ვართ მოქალაქენი.

კარგი, შეიძლება არ მეთქვა და თავი შემეკავებინა… მაგრამ განა იქ მიწვეული სტუმრების, წამყვანების, ჟურნალისტების, პროდუსერების, მაყურებლების შეურაცხყოფა და გაბაიბურთება არ არის? ან იმ ახალგაზრდებისა, ვინც ამ გადაცემას ნახავდნენ და ბევრ რამეს გაუსწორებდნენ თვალს?

რავიცი აბა…
ასეთები თუ არ თქვი, საერთოდ რას აქვს აზრი ცხოვრებაში, რისთვის ხარ, რას წარმოადგენ, ღირსება-სამართლიანობა, მოქალაქეობა რაღა არის?

უნდა ვთქვათ და უნდა ვიმოქმედოთ მეგობრებო, როცა ვხედავთ რაღაც არ არის სწორი.

მივედით, დავიხარჯეთ, გავისარჯეთ, ვიფიქრეთ, ვიაზროვნეთ, ვიკამათეთ.”-წერს ეკონომიკური პოლიტიკის მკვლევარი, გიორგი მიქანაძე.

Please follow and like us: