2 დღის წინ
პატრიარქი – დღეს წირვის დროს ისეთი მძიმე იყო, მძიმე კი არა რთული იყო ლოცვა, რომ მეგონა, ვერ შევძლებდი ბოლომდე მიმეყვანა, მადლობა უფალს, მშვიდობით დამთავრდა წირვა და მივიღეთ წმინდა ზიარება
5 დღის წინ
საქართველოში ყველა სახის მუნიციპალური ტრანსპორტის მუშაობა განახლდა
1 კვირის წინ
ეროვნული გამოცდები 2020 – მოსალოდნელი ცვლილებები
1 კვირის წინ
საქართველოში კორონავირუსის ერთი ახალი შემთხვევა დაფიქსირდა, 11 პაციენტი კი გამოჯანმრთელდა
1 კვირის წინ
გიორგი გახარია – უნდა გვახსოვდეს ის წვლილი, რომელიც ქართულმა ჯარმა მოქალაქეებთან ერთად პანდემიის წარმატებულ მართვაში შეიტანა, ყველამ ერთად შევძელით ამ რისკის ლოკალიზება და ეფექტური მართვა

საქართველოს პარლამენტის თავმჯდომარე ირაკლი კობახიძე და პარლამენტის თავმჯდომარის პირველი მოადგილე, თამარ ჩუგოშვილი ევროპის საბჭოს საპარლამენტო ასამბლეის მონიტორინგის კომიტეტის მომხსენებლებს – კერსტინ ლუნდგრენს და ტიტუს კორლატეანს შეხვდნენ.

მხარეებმა ქვეყანაში მიმდინარე დემოკრატიული რეფორმების შესახებ ისაუბრეს.

ყურადღება გამახვილდა პარლამენტის ინსტიტუციურ რეფორმასა და პარლამენტის როლის გაძლიერებაზე. ხაზგასმით აღინიშნა საქართველოს უმაღლეს საკანონმდებლო ორგანოსა და ევროპის საბჭოს საპარლამენტო ასამბლეას შორის მჭიდრო თანამშრომლობის მნიშვნელობა.

„საქართველოს სტუმრობენ ევროსაბჭოს საპარლამენტო ასამბლეის მომხსენებლები. როგორც საზოგადოებისთვის არის ცნობილი, ისინი პერიოდულად ჩამოდიან საქართველოში და ადამიანის უფლებების და დემოკრატიის კუთხით არსებულ ვითარებას აფასებენ. ჩვენ მათთან ძალიან კარგი თანამშრომლობა გვაკავშირებს. შეხვედრაზე ყურადღება გამახვილდა პარლამენტის გაძლიერებაზე, საპარლამენტო კონტროლის და ზედამხედველობის გაძლიერებაზე. ისინი დეტალურად არიან საქმის კურსში იმ რეფორმების შესახებ, რომელსაც ვახორციელებთ და მათგან დიდი მხარდაჭერა გვაქვს. კარგი შეხვედრა იყო და ვფიქრობ, რომ მოგვიანებით იმ საინფორმაციო დოკუმენტშიც აისახება, რომელსაც მომხსენებლები გამოაქვეყნებენ“,- განაცხადა შეხვედრის დასრულების შემდეგ პარლამენტის თავმჯდომარის პირველმა მოადგილემ.

Please follow and like us: