თბილისის საბავშვო ბაგა-ბაღებში ზამთრის არდადეგების გახანგრძლივება ამ ეტაპზე დაგეგმილი არ არის. ბაღების სააგენტოში ამბობენ, რომ სწავლა 14 იანვრიდან განახლდება.

ზამთრის პერიოდში საბავშვო ბაგა-ბაღებში დასწრების მაჩვენებელი დაბალია ხოლმე და ვინც საპატიო მიზეზით არ დადის ბაღში, მას გამოცხადების შემდეგ ცნობა მიაქვს სასწავლო დაწესებულებაში. როგორც ბაღების სააგენტოში განმარტეს, საპატიო მიზეზით გაცდენის შემთხვევაში ბაღიდან ბავშვს არ გარიცხავენ.

საქართველოში გრიპის ვირუსის ფართოდ გავრცელებასთან დაკავშირებით, გაჩნდა კითხვები სკოლებსა და ბაღებში სწავლის დროებით შეჩერების შესახებ.

გაზიარება