საქართველოს კულტურისა და ძეგლთა დაცვის სამინისტროს მხარდაჭერით, ფრანკფურტში, წიგნის საერთაშორისო ბაზრობაზე საქართველო ეროვნული სტენდით და მრავალფეროვანი, განახლებული პროგრამით წარსდა.
ფრანკფურტის წიგნის ბაზრობას ოფიციალური ვიზიტით საქართველოს კულტურისა და ძეგლთა დაცვის სამინისტროს დელეგაცია მინისტრის გურამ ოდიშარიას ხელმძღვანელობით ესტუმრა.
კულტურის სამინისტრო ცინფორმაციით, ვიზიტის ფარგლებში დაგეგმილია მინისტრის შეხვედრა ფრანკფურტისა და ლონდონის წიგნის ბაზრობების ხელმძღვანელებთან და წიგნის სექტორში მოქმედ საერთაშორისო ორგანიზაციების წარმომადგენლებთან.
ფრანკფურტის წიგნის ბაზრობაზე საქართველოს მონაწილეობას ორგანიზებას უწევს „საქართველოს წიგნის გამომცემელთა და გამავრცელებელთა ასოციაცია“. ეროვნულ სტენდზე წარმოდგენილია 23-მდე ქართული გამომცემლობის უახლესი გამოცემები.
ვიზიტის ფარგლებში ასევე დაგეგმილია სხვადასხვა ფორმატის შეხვედრები და ღონისძიებები: ქართველი ავტორების საჯარო კითხვა, გერმანიაში გამოცემული თანამედროვე ქართველი მწერლების წიგნების პრეზენტაციები, პროექტის „უნიკალური საგანმანათლებლო პროგრამა ახალგაზრდა ილუსტრატორებისთვის“ წარდგენა დამსწრე საზოგადოებისათვის და სხვა.
10.10.13
