საპატრულო პოლიციის დეპარტამენტის სამეგრელო-ზემო სვანეთის მთავარ სამმართველოს დღეს, ახალი საპატრულო მანქანები გადაეცემა.
შსს-ს ინფორმაციით, აღნიშნულ ღონისძიებას ზუგდიდში შს მინისტრი ირაკლი ღარიბაშვილი და საპატრულო პოლიციის დეპარტამენტის ხელმძღვანელები დაესწრებიან.
სამინისტროს ცნობით, სამეგრელო-ზემო სვანეთის საპატრულო პოლიციის მთავარი სამმართველოს ავტოპარკი მთლიანად განახლდება და “შკოდას” მარკის 20 ახალი ავტომობილით შეივსება.
რეგიონში პატრულ-ინსპექტორებს გადაეცემათ: სამხრე ვიდეოკამერებით აღჭურვილი პოლიციის ახალი ფორმები, ალკოტესტები (პრომილეს საზომით და ბეჭდვითი ფუნქციით) და სხვა.
11.10.13
