აშშ-ს უზენაესი სასამართლოს უხუცესი მოსამართლე, რუთ გინსბურგი 87 წლის ასაკში გარდაიცვალა. როგორც სასამართლოში აცხადებენ, მის გარდაცვალების მიზეზი პანკრეასის კიბოთი გამოწვეული გართულებები გახდა.
გინსბურგი აშშ-ს ისტორიაში მეორე ქალი იყო, რომელმაც უზენაესი სასამართლოს მოსამართლე გახდა. მან აღნიშნული პოზიცია 1993 წელს დაიკავა, როდესაც პრეზიდენტი ბილ კლინტონი იყო.
რუთ გინსბურგი ქალების უფლებების აქტიური დამცველი და გამორჩეული ლიბერალი მოსამართლე იყო. მას ეკუთვნის გადამწყვეტი ხმები მნიშვნელოვანი სოციალური საკითხების გადაწყვეტის დროს, აბორტის უფლებიდან ერთნაირსქესიანთა ქორწინებამდე.
უზენაეს სასამართლოსთან მოქალაქეები არიან შეკრებილნი და პატივს მიაგებენ ლეგენდარული მოსამართლის ხსოვნას.
გინსბურგის გარდაცვალებასთან დაკავშირებით განცხადება გაავრცელა ამერიკის პრეზიდენტმა, დონალდ ტრამპმა: “დღეს ერი გლოვობს კანონის ტიტანის გარდაცვალებას, მისი მოსაზრებები, მათ შორის ცნობილი გადაწყვეტილებები ქალთა და შეზღუდული შესაძლებლობის მქონე პირთა თანასწორობის შესახებ, იყო ინსპირაცია ყველა ამერიკელისათვის და ბრწყინვალე გონების იურისტების თაობებისთვის”.
მისი შემცვლელი აშშ-ის პრეზიდენტმა უნდა წარადგინოს, ხოლო სენატმა – დაამტკიცოს.
