დღეს მსოფლიო და, მათ შორის, საქართველო დგას იმ გარემიების წინაშე, როდესაც ადამიანების მცირე ნაწილი მუშაობს საკუთარი პროფესიით. უმაღლეს სასწავლებლებში კონკრეტული სპეციალობის დაუფლების შემდეგ, ზოგს უჩნდება სურვილი და ინტერესი, სხვა პროფესიით იმუშაოს და თავი სრულიად განსხვავებულ სფეროშიც კი გამოსცადოს. თუმცა, ისეც ხდება, რომ, სურვილის მიუხედავად, ადამიანები საკუთარი სპეციალობით ვერ საქმდებიან.
“ტალანტები” სულ ახლახან დაფუძნდა. საკუთარი იდეებისა და მიზნების გათვალისწინებით, კომპანიის მიზანია, დაეხმაროს პიროვნებებს, მისთვის სასურველ სფეროში იმუშაონ და იმ მიმართულებით, რა მიმართულებითაც მას უმაღლესი განათლება აქვს მიღებული.
„თბილისი თაიმსის“ შეკითხვებს კომპანიის დამფუძნებელი, მარიამ ჩხიკვაძე პასუხობს.
რამდენი ხანია, რაც არსებობთ და რა იდეით დაფუძნდით?
,,ტალანტები, ოფიციალურად დაფუძნდა 2020 წლის დასაწყისში.
,,ტალანტები,, არის ბრენდი, რომელიც ბაზარზე ქმნის ახალ გარემოს დასაქმების მაძიებელთათვის.
მისი მიზანია, კომპანიებს შესთავაზოს მათი მოთხოვნების შესაბამისი თანამშრომლები, ადამიანებს კი დაეხმაროს, იპოვონ თავიანთი ადგილი – მათი პროფესიდან, უნარებიდან და სურვილებიდან გამომდინარე.
ჩვენ ვეძებთ ტალანტებს, რადგან ტალანტები არიან მნიშვნელოვანი ფიგურები კომპანიისთვის. ამისათვის, შერჩევის ტრადიციულ მიდგომებთან ერთად, ყურადღებას ვამახვილებთ აპლიკანტის მიღწევებზე, უნარებსა და მოტივაციაზე.
დღესდღეობით იმისათვის, რომ კომპანიამ შეძლოს მოწინავე პოზიციის დაკავება, მას სჭირდება ადამიანები, რომლებიც შეძლებენ სიახლეების გენერირებასა და მოწინავე პოზიციებისთვის ბრძოლას. სწორედ ამაში ეხმარებიან ტალანტები კომპანიებს, რადგან ისინი პოულობენ საუკეთესო გზას პრობლემის გადასაჭრელად.
უფრო კონკრეტულად, რას საქმიანობთ?
‘’‘ტალანტების” მომსახურება გათვლილია დიდ კომპანიებზე გრძელვადიანად და სთავაზობს მათ მომსახურებას როგორც კადრის მოძიება-შერჩევაზე, ასევე – ვაკანსიების განთავსებაზე ჩვენს ვებგვერდზე www.talents.ge
ამ დრომდე, თქვენ მიერ მიღწეულ რა შედეგებზე შეგიძლიათ საუბარი?
კმაყოფილი აპლიკანტი და დამსაქმებელი არის ჩვენი მთავარი მიღწევა და გვინდა, რომ ეს ტენდენცია სამომავლოდაც შევინარჩუნოთ. ტალანტებზე ხშირად იდება სხვადასხვა ვაკანსია იმ ვაკანსიებზე, რომლისთვისაც კადრის შერჩევას ჩვენ ვახორციელებთ. საბოლოოდ, წარმატებით საქმდება შერჩეული კადრი და კმაყოფილი რჩება ორივე მხარე.
ბევრია ისეთი ადამიანი, ვინც მოგმართავთ?
,ტალანტებს,, მომართავს აბლსოლუტურად ყველა, ისინი – ვინც ეძებს სამსახურს, ისინი, ვისაც სურს პროფესიის შეცვლა და სჭირდება დახმარება, ისინი, ვინც არ იცის, რა მიმართულებით სურთ დასაქმება და სჭირდება კონსულტაცია ამ მიმართულებით.
საერთო სურათი რომ შეაფასოთ – ადამიანთა რამდენად დიდი ნაწილია დასაქმებული საკუთარი პროფესიით?
დღესდღეობით აღნიშნული ტენდენცია იკლებს და ამაზე ბევრი ფაქტორი მოქმედებს. რა თქმა უნდა, არიან ადამიანები, ვინც მუშაობს საკუთარი პროფესიით და წარმატებულები არიან თავიანთ სფეროში. მათთვის კი, ვინც გადაწყვეტს, შეიცვალოს პროფესია, დღესდღეობით, საბედნიეროდ, გარემო აძლევთ მათ ამის საშუალებას.
მასალა მოამზადა : მარიამ ტიელიძემ
