ჩვენი რეალობა დღეს კოვიდპანდემიიდან გამომდინარეობს – გარშემო ყველაფერი ახალ კორონავირუსს უკავშირდება. მასთან ბრძოლის ერთერთ მთავარ იარაღად ჯანდაცვის სფეროს წარმომადგენლები პირბადეს ასახელებენ. პირბადის წარმოება ჩვენს ქვეყანაშიც გააქტიურდა, მსოფლიოს მსგავსად. თუმცა, კონკურენციის პირობებში, წარმატებულია ის წარმოება, რომელიც აბსოლუტურად შეესაბამება სამედიცინო მოთხოვნებს და უფრო მეტად არის მორგებული ადამიანების ყოველდღიურობას. „სიო“ სწორედ პირბადეებს აწარმოებს. ის მომხმარებლებს კომფორტულ სერვისებს სთავაზობს.
მარიამ ძაბახიძე, „სიო“-ს წარმომადგენელი „თბილისი თაიმსს“ ესაუბრა.
„სიო-ს წარმოება დავიწყეთ 1-ელ აგვისტოს.
მანამდე კი, 1 თვის განმავლობაში მიმდინარეობდა ნიმუშებისა და ესკიზების შექმნა და საბოლოო პროტოტიპის შექმნა სერიული წარმოებისთვის“.
რით გამოირჩევა თქვენ მიერ წარმოებული პროდუქცია სხვათაგან?
„სიო“-ს განმასხვავებელი ნიშანია გამოყენების სიმარტივე და ხელმისაწვდომობა, ანუ, ვინც არ იცის, „სიო“ არის მომხმარებლისთვის უფასო პირბადე, რომელიც გვხვდება თითქმის ყველა ტიპის დაწესებულებაში და ვსარგებლობთ უფასოდ, როცა ჩვენი პირბადე დაგვრჩა ან დავკარგეთ.
მთელს საქართველოს მოიცავთ?
ჯერჯერობით, „სიო“ წარმოდგენილია საქართველოს ყველა რეგიონში, ასევე, მის ფარგლებს გარეთ, რამდენიმე ქვეყანაში.
პანდემიის ფონზე, რამდენად ბევრი ადამიანი სარგებლობს თქვენი წარმოებით?
პანდემიის პერიოდში, რა თქმა უნდა, დიდი მოთხოვნაა, ზოგადად, ყველა ტიპის პირბადეზე – მათ შორის, საყოფაცხოვრებო პირობებში გამოსაყენებელ პირბადეზე. ამის საუკეთესო წარმომადგენელია “სიო”.
მას შემდეგ, რაც დავამატეთ ახალი პროდუქტი, “პატარა სიო” (ანუ, ჯიბის „სიო“), რომელიც ყველასთვის ცნობილი, “სელპაკის” ხელსახოცების ზომისა და სტილის შეფუთვაშია და მასში 12 ცალი პირბადეა – ბუნებრივია, მოთხოვნა გაიზარდა, რადგან ყველას სურს, რომ ყოველ ჯერზე ახალი პირბადე გამოიყენოს.
მასალა მოამზადა : მარიამ ტიელიძემ
