სტატისტიკის ეროვნულმა სამსახურმა დღეს საარსებო მინიმუმის შესახებ განაახლა ინფორმაცია. 2020 წლის სექტემბერში ხუთსულიანი ოჯახისთვის ოფიციალური საარსებო მინიმუმი 366.6 ლარი იყო. ეს მაჩვენებელი აგვისტოსთან შედარებით 3.4 ლარით არის გაზრდილი, წლიურ ჭრილში კი 11 ლარით არის შემცირებული.
საქსტატის თანახმად, ცალკეული ჯგუფების მიხედვით საარსებო მინიმუმი ასეთია:
შრომისუნარიანი ასაკის მამაკაცის საარსებო მინიმუმი – 184 ლარი;
ორსულიანი ოჯახის საარსებო მინიმუმი – 260,7 ლარი;
სამსულიანი ოჯახის საარსებო მინიმუმი – 293,3 ლარი;
ოთხსულიანი ოჯახის საარსებო მინიმუმი – 325,9 ლარი;
ხუთსულიანი ოჯახის საარსებო მინიმუმი – 366,6 ლარი;
ექვსსულიანი და მეტი ოჯახის საარსებო მინიმუმი – 433,4 ლარი.
