ბუდიზმის, ერთ-ერთი უძველესი მსოფლიო რელიგიის, მთავარ კონცეფციას ე.წ ოთხი „უზენაესი ჭეშმარიტება“ წარმოადგენს.
ტრიპიტაკას (ბუდისტური წმინდა წიგნის) გაცნობის შემდეგ ნათელი ხდება ის ფაქტი, რომ ბუდისტური მოძღვრების ბირთვს მართლაც წარმოადგენს ის „ოთხი ჭეშმარიტება“, რომელიც ბუდას გასხივოსნების შემდეგ ეუწყა:
- ამქვეყნად ყველაფერი ტანჯვაა .დაბადება – ტანჯვაა, სიბერე – ტანჯვაა, ავადმყოფობა – ტანჯვაა, სიკვდილი – ტანჯვაა, სიყვარული – ტანჯვაა, სიყვარულთან განშორება – ტანჯვაა, ნანატრის ვერმიღება – ტანჯვაა, ზოგადად, სურვილების დაუკმაყოფილებება – ტანჯვაა;
- ტანჯვის მიზეზები სურვილებია.სურვილი არსებობისა , სიცოცხლისა, რასაც ადამიანი მიჰყავს დაბადებიდან დაბადებისკენ.
- ამიტომ საჭიროა სრული განთავისუფლება სურვილებისგან , მათზე საბოლოო გამარჯვება და მათი განდევნა.
- არსებობს გზა ხსნისა, რომელიც რვასაფეხურიანია:
- მართალი სარწმუნოება. ანუ რწმენა , რომ სიცოცლხე ტანჯვაა.
- ჭეშმარიტი გამბედაობა, რათა ამ გზაზე შედგომა შეძლოს ადამიანმა.
- მართალი მეტყველება.
- მართალი ქცევა, როგორც მართალი სიტყვის გამოხატვა.
- მართალი ცხოვრება.
- მართალი ფიქრები.
- მართალი გულისთქმები.
- მართალი ჭვრეტა.
ზოგადად, ბუდიზმში ცენტრალური ადგილი უჭირავს ზნეობრივ ნორმებსა და ადამიანის ქცევით წესებს. ამასთანავე უნდა აღვნიშნოთ ის ფაქტიც, რომ ამ მოძღვრებაში ნებისმიერი ადამიანის არსებობის ბუნებრივი მდგომარეობა გამოცხადებულია ტანჯვად, ხოლო ამ ტანჯვისგან თავის დაღწევის ერთადერთ საშუალებად პიროვნული სურვილების დაძლევა და ნირვანაში გადასვლა ითვლება. სწორედ ამგვარ პრინციპებს მოიცავს არა მხოლოდ ოთხი „უზენაესი ჭეშმარიტება“, არამედ ბუდისტური მოძღვრების სხვა ძირითადი პოსტულატები.
მასალა მოამზადა: თორნიკე ყრუაშვილმა.
