დავითი იყო ისრაელის მეორე მეფე, იუდას ტომელი იესეს უმცროსი ვაჟი. მან დაახლოებით 40 წელიწადი იმეფა. დაახლოებით 7 წელი იუდეის მეფე იყო, შემდეგი 33 წელი კი ისრაელისა და იუდეის გაერთიანებული სამეფოსი. ბიბლიის მიხედვით, დავითის შთამომავალი უნდა ყოფილიყო მესია, ისრაელის მხსნელი.
დავითი ეკურთხა თუ არა მეფედ, მაშინვე დაიწყო მზადება იერუსალიმის აღებისთვის. მან ძლიერი იერიშით მოახერხა იერუსალიმის გავლენის დაკავება.
ებრაელებმა იერუსალიმის აღებისთანავე დაიწყეს დიდებული ქალაქის აყვავება: გაამაგრეს გალავნები, გაზარდეს ქალაქის მოსახლეობა, ააგეს ახალი შენობები და მეფის სასახლე. ისრაელის მეფემ დედაქალაქი მალევე აქცია კულტურულ-რელიგიურ ცენტრად.
დავითს ძალიან უყვარდა მუსიკა და ჰყავდა კიდეც მუსიკოსთა ჯგუფი. ის თავად თხზავდა ფსალმუნებს და სიმღერებს, ძალიან კარგად უკრავდა არფაზე, ლეგენდის თანახმა, ეს საკრავი თავად მან გამოიგონა.
დავითი, ყველაფერთან ერთად, აპირებდა ღმერთისთვის დიდებული ტაძრის აგებას, მაგრამ ბიბლიის მიხედვით, უფალმა ისურვა, რომ ეს დავითის მემკვიდრეს გაკეთებინა, ამიტომაც მისი მეფობის პერიოდში უფლის ტაძარი კვლავ კარვად დარჩა.
როგორც უკვე აღვნიშნეთ, დავითმა დაიწყო უფლის ტაძრისთვის სამშენებლო მასალების შეგროვება, თუმცა მძიმე ცოდვების გამო, უფალმა მას ტაძრის აშენების ნება არ მისცა.
მასალა მოამზადა: თორნიკე ყრუაშვილმა.
