მობილური თამაშები ძალიან ბევრისთვის არის საინტერესო, განურჩევლად ასაკისა. ცხოვრების სხვადასხვა ეტაპზე, ადამიანებს გვაქვს პერიოდი, როდესაც აღნიშნული თამაშები ჩვენთვის მიმზიდველია. ისინი სხვადასხვა პიროვნებისთვისსხვადასხვა დანიშნულების მატარებელია – ვარჩევთ იმ თამაშებს, რომლებიც ჩვენს ხასიათსა და განწყობას შეესაბამება.
„სამბრელა“ სწორედაც რომ მობილურ თამაშებსაწარმოებს. ის, თავდაპირველად, სხვა მიზანზე იყო ორიენტირებული. დეტალურად, „თბილისი თაიმსის“ შეკითხვებს მარიამ მიდელაშვილი, მარკეტინგის მენეჯერი პასუხობს.
რამდენი ხანია, რაც ქართულ ბაზარზე არსებობთ?
„სამბრელა“ უკვე ერთ წელზე მეტია, რაც არსებობს, თუმცა, სულ რამდენიმე თვეა, რაც დავიწყეთ ქართული ბაზრისთვის თავის გაცნობა. იქამდე აქტიურად ვთანამშრომლობდით სხვადასხვა უცხოურ კომპანიასთან.
„სამბრელა“, ძირითადად, აწარმოებს მობილურ თამაშებს. მობილური თამაშების ბიზნესში უმნიშვნელოვანესია სწორი მარკეტინგული კამპანიების დაგეგმვა და ინოვაციური ხერხების მოფიქრება, მოძიება მაქსიმალური შედეგის მისაღებად. ჩვენი თამაშების მარკეტინგულ კამპანიებზე დაყრდნობით შევიმუშავეთ სრულყოფილი მარკეტინგული პროდუქტი, რომელსაც მარტიდან ვთავაზობთ უკვე ქართულ კომპანიებსაც.ქართულ ბაზარზე შემოვედით 360-გრადუსიანიმარკეტინგული მომსახურებით, რაც მოიცავს სხვადასხვა ვიდეო კოტენტის შექმნას, 2D & 3D ანიმაციას, ნებისმიერი სახისა და სირთულის ვიდეო მასალის დამზადებას, ინფლუენსერ მარკეტინგს – რაც შესაძლებლობას აძლევს კომპანიებს, ბევრადნაკლები ფინანსური რესურსით, ტრადიციული სარეკლამო არხებთან შედარებით, მიიიღონ მაქსიმალური შედეგი და მარკეტინგს გემიფიკაციის საშუალებით, რაც ბევრად ეფექტურს ხდის ბრენდის ცნობადობის ამაღლებას.
რა მიზნით დაარსდა “ სამბრელა”?
„სამბრელას“ დაარსებით გვინდოდა, შეგვექმნა IT კომპანია, რომელიც უზრუნველყოფდა სხვადასხვა IT სერვისს. თუმცა, დრომ და მოთხოვნამ გვაჩვენა, რომ იმ ეტაპისთვის მობილურ თამაშებზე მოთხოვნა იზრდებოდა და ჩვენც გვქონდა საკმარისი რესურსი და პოტენციალი მოთხოვნის დასაკმაყოფილებლად. ნელ-ნელა გავიზარდეთ, დავიმატეთ ხალხი, დავამატეთ სერვისები და ქვეყნები სადაც ვოპერირებთ.
ჩვენ ყოველდღიურად ვიზრდებით და მუდმივად ვეძებთ ახალ ტალანტებს, რომლებიც გახდებიან ჩვენი გუნდის ღირსეული წევრები.
მოღვაწეობა მობილური თამაშების გაკეთებით დავიწყეთ. ერთი წლის განმავლობაში, ჯამურად, 15-მდე თამაში შევქმენით, ამასთან, გვაქვს 10-მდე თამაშის პროტიტიპი, რომლის განხორციელებასაც ვგეგმავთ. ამჟამად, ვთანამშრომლობთ მობილურითამაშების რამდენიმე მთავარ გამომცემელთან, როგორიცაა Skillz, Azur Games და Voodoo. ჩვენ ვქმნით, ისინი კი აქვეყნებენ ჩვენს თამაშებს. ძირითად ვმუშაობთ სამი კატეგორიის თამაშებზე: Hyper-casual, Multiplayer და board skill based თამაშები.
ყოველდღიურად ათასობით აქტიური მომხმარებელი გვყავს, რომლებიც დღეში საშუალოდ 20 წუთს ხარჯავენ ჩვენს თამაშში. კომპანიებს ვუქმნით მათ პრობლემასა და სურვილზე მორგებულ თამაშს, რომელსაც შეიძლება, ჰქონდეს მოკლევადიანი ან გრძელვადიანი მიზნები და შედეგები.
უმთავრესად, რა მიზანზე ხართ ორიენტირებულნი?
ჩვენი მთავარი მიზანია ხარისხიანი და ინოვაციური პროდუქტების შექმნა როგორც ქართულ, ისე – უცხოურ ბაზარზე. საქართველოს ბაზრისთვის გავზარდოთ მობილური თამაშების წარმოების მოთხოვნა და ცნობადობა, რადგან მაინც საკმაოდ ახალი და აუთვისებელია.
წლევანდელი წლისთვის დიდი გეგმები გვაქვს და გვინდა, ჩვენი ძალებითა და მონდომებით ყველა დასახულ მიზანს მივაღწიოთ, ჩვენს სერვისებს მივცეთ სრულყოფილი სახე და გლობალურ გამოწვევებს გავუმკლავდეთ, განვავითაროთ მარკეტინგული სერვისები და ვაჩვენოთ ინფლუენსერ მარკეტინგის უპირატესობები და პოტენციალი.
რა ასაკობრივ ჯგუფს მოიცავთ და რამდენად დიდიინტერესი თქვენი პროდუქციის მიმართ?
კონკრეტულად ერთი ასაკობრივი ჯგუფის განსაზღვრა რთულია ჩვენი სერვისებისა და თამაშებისმრავალფეროვნების გათვალისწინებით. გვაქვსთამაშები ძალიან მცირე ასაკის აუდიტორიისთვის დაგვაქვს უფრო რთულიც – მულტიპლეიერი და კარტისთამაშები, რომლებიც მიმართულია ზრდასრულიაუდიტორიისთვის.
ეს მოცემულობა ეხება ჩვენს სხვა სერვისებსაც, კონკრეტულ სერვის ჰყავს თავისი სამიზნე აუდიტორია. ჩვენც ინდივიდურად ვარგებთ თითოეულ სერვისს, თითოეულ სეგმენტს.
როგორც ვახსენეთ, დავიწყეთ, როგორც IT-მ, შემდეგ –მობილური თამაშების კომპანიამ და დღეისთვის დავამატეთ მრავალი ვიდეოწარმოებისა და მარკეტინგული სერვისი. ჩვენი ზრდა პროდუქტის მიმართ ინტერესმა გამოიწვია. უპირველესად,ვუსმენთ მომხმარებელებს, რადგან სწორედ ისინი არიან ჩვენი განვითარებისა და ზრდის მიზეზი. ისინი გვკარნახობენ, რაზეა მოთხოვნა და რა პრობლემა აქვთ მათ.
მასალა მოამზადა : მარიამ ტიელიძემ
