“ჩვენი ქვეყანა არასდროს გახდება კაპასი ქალების ქვეყანა”, – ამის შესახებ ოზურგეთში შეხვედრებზე მყოფმა მოძრაობა ,,ერთობა, რაობა, იმედის” დამფუძნებელმა, ლევან ვასაძემ განაცხადა.
“პატრიოტთა ალიანსთან” გაერთიანებაზე დასმული კითხვის საპასუხოდ კი ვასაძე ამბობს, რომ “საერთოდ, პარტიებთან გაერთიანება ეძნელება”, თუმცა, ირმა ინაშვილსა და დავით თარხან მოურავთან მეგობრობს.
,,ცოტაა ჩვენთან კაპასი ქალი? ჩვენი ქვეყანა არასდროს გახდება კაპასი ქალების ქვეყანა. მე ვთქვი ის, რაც ვთქვი და თქვენ კონტექსტიდან ამოგლიჯეთ.
ჩვენი კარი ყველასათვის ღიაა, ვინც არ არის დამნაშავე კანონის წინაშე, არ არის მხილებული ქვეყნის ღალატში. “ნაციონალური მოძრაობა” მე მიმაჩნია დამნაშავე რეჟიმად, რომელსაც უდიდესი კრიმინალური წარსული აქვს ჩვენი ქვეყნის წინაშე.
ვმეგობრობ ირმასთან, დათოსთან, მსგავსი საუბრები არ გვქონია. საერთოდ, პარტიებთან გაერთიანება მე ძალიან მეძნელება,” – განაცხადა ლევან ვასაძემ.
