მეუფე იაკობსა და ნინო ლომჯარიას შორის შეხვედრა ცოტახნის წინ დასრულდა. როგორც მოლაპარაკების შედეგად გადაწყდა, სახალხო დამცველი და პანსიონის ხელმძღვანელი ნინოწმინდაში ჩავლენ და ბავშთა პანსიონშიც ერთობლივად მივლენ
ასევე შეხვედრაზე შედგა შეთანხმება, რომ იქ დარჩენილ აღსაზრდელებთან სოციალური მუშაკები მუშაობას გააგრძელებენ , შეფასდება მათი საჭიროებები და გადაწყვეტილებებიც ბავშვების ინტერესების გათვალისწინებით იქნება მიღებული.
„ეს იყო ძალიან კონსტრუქციული შეხვედრა, ძალიან პოზიტიურად იყო მეუფე იაკობი სახალხო დამცველის ინსტიტუტის მიმართ. შევთანხმდით იმაზე, რომ სოციალური მუშაკები გააგრძელებენ დარჩენილი ბავშვების საჭიროების შეფასებას და შესაბამისად, როგორც ბავშვების საუკეთესო ინტერესებისთვის არის საჭირო ისე განვითარდება მოვლენები.
რაც შეეხება ჩვენს ერთობლივ გეგმებს, ვაპირებთ, რომ შემდეგ კვირაში ერთობლივად ჩავიდეთ პანსიონში”- აცხადებს სახალხო დამცველი, ნინო ლომჯარია.
მასალა მოამზადა: თორნიკე ყრუაშვილმა
