რამდენიმე დღის წინ საზოგადოებისთვის ცნობილი გახდა, რომ საქართველოში მამების სკოლა გაიხსნა. აღნიშნული სკოლა 40 წლამდე მამაკაცებისთვის არის გათვლილი. სწავლება სრულად რვა სესიას მოიცავს.
დეტალურად, რაზეა ორიენტირებული მამების სკოლა.
აღნიშნული პროექტის პარტნიორის, „გაგუას კლინიკის“ მიერ მოწოდებული ინფორმაციის თანახმად, მიზანს წარმოადგენს შემდეგი.
• მამების აქტიური მონაწილეობა საკუთარი შვილების ცხოვრებაში
• მამაკაცმა გაიგოს მეტი ორსული პარტნიორის შესახებ
• მიიღოს მეტი ინფორმაცია გენდერული თანასწორობის, რეპროდუქციული ჯანმრთელობის, კონტრაცეფციისა და სხვა საკითხების შესახებ.
მამების სკოლა ჩატარდება კვირაში ერთხელ, ყოველ შაბათ დღეს. თითოეული გაკვეთილი ორ საათს გაგრძელდება.
მამების სკოლა ხორციელდება გაერო-ს მოსახლეობის ფონდის მიერ პროგრამის – „ევროკავშირი გენდერული თანასწორობისთვის: ერთად გენდერული სტერეოტიპებისა და გენდერული ძალადობის დასაძლევად“ ფარგლებში, გაერო-ს ქალთა ორგანიზაციასთან პარტნიორობითა და ევროკავშირის მხარდაჭერით.
მასალა მოამზადა : მარიამ ტიელიძემ
