Meko’ handmade – ყველაფერი ის, რაც ნებისმიერბინას გაალამაზებს და გამორჩეულს გახდის. ხელნაკეთი ნაკეთობები და შედეგი, რომლისთვის „მზადებაც“ სათავეს ავტორის ბავშვობიდან იღებს. ფერადი, სასიამოვნო და კრეატიული – ეს ის მახასიათებლებია, რომლითაც მეკო კეთილაძესაკუთარ ნივთებს ქმნის. დეტალებზე „თბილისი თაიმსს“ ის თავად ესაუბრა.
„ბავშვობიდან მიყვარდა ძველი ნივთების გადაკეთება და ახალი ნივთების შექმნა გარემოს გასალამაზებლად. დროთა განმავლობაში ამ გატაცებას პროფესიული სახე მივეცი. ჩემი ნამუშევრები, ძირითადად,მოიცავს კედლის დეკორაციებს. ვქმნი საახალწლო და სააღდგომო აქსესუარებს, ასევე, დეკორაციებს, რომლებიც საჩუქრად,ჩემი აზრით, ძალიან ორიგინალურია და ფასიც ხელმისაწვდომი“
თქვენი საკიდები გამორჩეულად საინტერესოა – დიზაინს რის მიხედვით ქმნით?
ბევრი გარემოება არის ჩემი ინსპირაციის წყარო. ახლა იმდენად ბევრი მასალაა ხელმისაწვდომი, დახლებს რომ ჩავუვლი, შეიძლება ითქვას, რომ, ძირითადად, იდეები სწორედ მანდ მანდ მოდის.
ძირითადად, ვინ არის თქვენი პროდუქციის მომხმარებელი?
ძალიან გაიზარდა ჩემი ნამუშევრების მომხმარებლის რიცხვი. ფასები იმდენად მრავალფეროვანია, შესაძლოა, ძალიან ხელმისაწვდომ ფასად შეიძინონ ლამაზი ნივთი. მაქვს მაღალფასიანი დეკორაციებიც, რომელსაც თავისი მომხმარებელი ჰყავს.
სიახლეები რამდენად ხშირად გაქვთ?
ვცდილობ, ახალი დეკორაციები მაქსიმალურად ხშირად შევმატო ჩემს კოლექციას. არის შემთხვევები, როდესაც მომხმარებელი მეხმარება ამაში. თავის იდეას მომაწვდის და მე, ჩემი გამოცდილებით, სისრულეში მომყავს. ეს ძალიან მავსებს, როდესაც ისინი მენდობიან. შეიძლება ითქვას, ინსპირაციის ერთერთი წყაროც ეგ არის. როცა, საბოლოოდ, ძალიან ლამაზი დეკორაცია გამოდის.
მასალა მოამზადა : მარიამ ტიელიძემ
