დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, კოვიდ-საწინააღმდეგო „ფაიზერის“ ვაქცინით 16 -17 წლის მოზარდებიც აიცრებიან. განცხადება მან დღეს გამართულ პრესკონფერენციაზე გააკეთა.
“Pfizer-ს ინსტრუქციაში აქვს, რომ 16 წლის ზემოთ მოქალაქეებს შეუძლიათ აიცრან, ამიტომ ჩვენთანაც შევა ცვლილება „ფაიზერის“ შემოსვლის შემდეგ და აიცრება 16 წელს ზემოთ მყოფი მოსახლეობა. რაც შეეხება შემდგომ გადაწყვეტილებებს, რასაც ზოგიერთი ქვეყანა აკეთებს და ეს ეხება მოზარდების აცრას, ამაზე გადაწყვეტილება მიღებული არ არის“, – განაცხადა გამყრელიძემ.
