„ფაიზერის“ ჩამოსვლის თარიღი ცნობილია”, – განცხადება დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ უწყებათშორისი საბჭოს სხდომის დასრულების შემდეგ გააკეთა.
მან მედიას ვაქცინაციის კამპანიაში მოსახლეობის მეტი ჩართულობისთვის დახმარება სთხოვა.
„ფაიზერის“ ჩამოსვლის თარიღი ვიცით, უბრალოდ, ვიდრე თვითმფრინავი არ დაჯდება, ვერ გეტყვით. ეს იქნება პირველი პარტია და მოჰყვება მეორე პარტია, მესამეც. ვფიქრობთ, ოქტომბრის ბოლომდე 1.5 მლნ დოზა „ფაიზერი“ გვექნება. ახლა უკვე მოსახლეობაზეა დამოკიდებული რამდენად აქტიური ვიქნებით. სერიოზულად ვემზადებით ამ ვაქცინის ადმინისტრირებისთვის. გადამზადდა კლინიკები, სადაც ამ ვაქცინით აცრა განხორციელდება“, – განაცხადა ამირან გამყრელიძემ.
