“ხელნაკეთი ყულაბები” – ასე უნდა მოიძიოთ ნამუშევრები, თუ გსურთ, რომ განსაკუთრებული შთაბეჭდილება მოახდინოთ. წიგნის ფორმის ყულაბები, ერთი შეხედვითაც კი, დიდი ემოციებით ავსებს ადამიანებს, რომლებსაც უყვართ კითხვა, ან, უბრალოდ, მოსწონთ სასიამოვნო სიახლეები.
დეტალებზე “თბილისი თაიმსს” ნინი მოსიაშვილი ესაუბრა.
ჩემმა მეუღლემ ჩემთვის დაამზადა წიგნის ფორმის ყულაბა. მაშინ მე ჯერ კიდევ სტუდენტი ვიყავი. ასე დაიბადა იდეა, რომ, იქნებ, გვეწარმოებინა სხვებისთვისაც ასეთი ფორმის ყულაბები. ძირითადი მასალა არის ხე. შემდეგ უკვე იღებება და ეძლევა იერსახე.
ნამუშევრებს მხოლოდ წიგნის დიზაინით ქმნით?
ვგეგმავთ, ისინი იყოს სხვადასხვანაირი და არაერთი სიახლე შევთავაზოთ მომხმარებლებს, გვინდა, მალე დავამატოთ წარწერები ყულაბებზე. ვმუშაობთ ჩვენ ამაზე, მუშაობის პროცესში ფანტაზიაც ვითარდებადა ვნახოთ, შემოგთავაზებთ სიახლეებს,
ქართულ ბაზარზე კონკურენტები თუ გყავთ?
ნამდვილად ვიცით, რომ საქართველოში არ იწარმოება მსგავსი სახის ყულაბები. ეს იდეა ჩვენ არავისთვის “მოგვიპარავს”. მთავარია, რომ ჩვენი ნამუშევრები არის ინოვაციური. სწორედ ამიტომ დავიმსახურეთ მოწონება პროგრამის – “აწარმოე საქართველოში”, რომელმაც სახელოსნოს გახსნა დაგვიფინანსა – რაც გვჭირდებოდა, იმ ტექნიკით უზრუნველგვყო.
თუ გეგმავთ, რომ მთელს საქართველოში იწარმოებოდეს თქვენი ყულაბები?
დანადგარები, რომლებიც ამ საქმიანობისთვის გვჭირდებოდა, უკვე შევიძინეთ ამ პროექტის ფარგლებში. ძალიან მადლობელი ვარ და იმედი გვაქვს, გავამართლებთ მათ იმედებს. გვსურს, დავიწყოთ ფართომასშტაბიანი წარმოება და მთელს საქართველოში გავიტანოთ ჩვენი პროდუქტი.
ამჟამად, ქალაქ თელავში ვიმყოფებით და აქაურ ბაზარს ვითვისებთ. მიწოდების სერვისით მთელს საქართველოში შეგვიძლია გაგზავნა. ვიმედოვნებთ, თბილისის მაღაზიებშიც მალე შევიტანთ ჩვენს ყულაბებს.
მასალა მოამზადა : მარიამ ტიელიძემ
