როგორც მოგეხსენებათ, მმართველმა პარტიამ ადგილობრივ არჩევნებში უკვე 43%-ზე მეტი აიღო და შესაბამისად გადალახა ერთ დროს შეთანხმების შედეგად დაწესებული ზღვარი. აქედან გამომდინარე, „ქართულ ოცნებას“ შარლ მიშელის დოკუმენტის შესრულებას ვერც ოპოზიცია მოსთხოვს კატეგორიულად და ვერც საერთაშორისო საზოგადოება. ამასთანავე, საერთაშორისო სადამკვირვებლო მისიების ნაწილმა უკვე აღიარა, რომ არჩევნები არ ჩატარებულა იმ დონის დარღვევებით, რაც შედეგზე მნიშვნელოვან გავლენას მოახდენდა.
ანალიტიკოსთა ნაწილი მიიჩნევს, რომ ოპოზიციამ საბედისწერო შეცდომა დაუშვა, როცა მუნიციპალური არჩევნები რეფერენდუმად გამოაცხადა და სრული დარწმუნებით აცხადებდა, რომ საპარლამენტო არჩევნები აუცილებლად ჩატარდებოდა. ექსპერტები მიიჩნევენ, რომ ოპოზიციას არანაირი ბერკეტი არ გააჩნია და მათ ლოდინი კიდევ 3 წელი მოუწევთ საპარლამენტო არჩევნებისთვის.
ანალიტიკოსი პაატა ზაქარეიშვილი ფიქრობს, რომოპოზიციის მხრიდან რეფერენდუმზე და რიგგარეშეარჩევნებზე საუბარი დასრულებულია. მისი აზრით, ოპოზიციამ თავშივე დაუშვა შეცდომა, როცაადგილობრივი არჩევნები რეფერენდუმადგამოაცხადა და მასზე ძალიან მაღალი თამასადააწესა.
„მას შემდეგ რაც უკვე ცნობილა, რომ „ოცნებამ“ პროპორციულ ნაწილში 48% აიღო. შარლ მიშელისდოკუმენტის ამოქმედებას ოპოზიცია ვეღარმოითხოვს. არც დასავლეთი დაიწყებსხელისუფლებაზე ზეწოლას. მიხეილ სააკაშვილისჩამოსვლა-არჩამოსვლის საკითხიც დღისწესრიგიდან მოიხსნა. ამიტომაც ოპოზიციას ამისმოთხოვისთვის ხელში არანაირი ბერკეტი აღარუჭირავს.“
ანალიტიკოსების ნაწილი მიიჩნევს, რომ ოპოზიცია ქუჩის მაშტაბურ აქციებს დაანონსებს, განსაკუთრებით ახლა, როცა ექსპრეზიდენტი საპატიმროში იმყოფება. მათი აზრით, ყოველი აქცია მიმართული იქნება იმისკენ, რომ რაც შეიძლება მალე მოიპოვონ რიგგარეშე საპარლამენტო არჩევნები, თუმცა ეს თითქმის შეუძლებელია. ექსპერტების თქმით, თითქმის არ არსებობს ბერკეტი და შანსი- ოპოზიციამ მოიპოვოს რიგგარეშე არჩევნები.
