ყაზბეგის მუნიციპალიტეტსი, მწყინვარწვერთან ახლოს, სოფელ ტყარშეტში მდებარეობს ვულკანური მთის კალთა, რომელიც ალპური მცენარეებით არის დაფარული. სწორედ აქ დგას მამაწმინდის ეკლესია, რომელიც ძველ ისტორიულ წყაროებშიცაა მოხსენიებული.
აღნიშნული ტაძარი დაახლოებით შუა საუკუნეების ეპოქას ეკუთვნის, იგი როგორც ჩანს გამორჩეული ყოფილა ქართული კულტურისთვის დამახასიათებელი ელემენტებითაც – ტაძრის ტერიტორიაზე ნაპოვნია კერამიკის უძველესი მინიატურული სასმისი.
მამაწმინდის ეკლესია ნაგებია ნატეხი ქვითა და კირით, თუმცა დღეს ძლიერ დაზიანებულია. ეკლესიის წინ შემაღლებულ ადგილას შემორჩენილია ჯვარგამოსახული დიდი ქვა, რომელსაც ადგილობრივები მამაწმინდის ხატს ეძახიან. აქვე ეზოში, ორმოში დამარხულია მამაწმინდის ხატის განძი – ვერცხლის და სპილენძის ჯვრები, თასები და სხვა..
გადმოცემის თანახმად, მამაწმინდის ხატთან მთელი საქართველოდან მოჰყავდათ ბავშვები სალოცავად და მფარველობის სათხოვნელად. ეს ტრადიცია დღესაც არსებობს, ივნისის თვეში აქ იმართება დღეობა – მამაწმინდობა.
მასალა მოამზადა: თორნიკე ყრუაშვილმა
