ბოტსვანაში აღმოჩენილი ახალი ვარიანტი, რომელსაც „ომიკრონი“ ეწოდა, ჯანდაცვის მსოფლიო ორგანიზაციამ „შეშფოთების” საგნად გამოაცხადა. მეცნიერები ამბობენ, რომ ახალი შტამი ყველაზე მეტად გავრცელებადია და ასევე, მძიმედ მუტაციური, შედეგად მსოფლიოს მასშტაბით სხვადასხვა ქვეყნებმა ახალი რეგულაციები აამოქმედეს
ნიდერლანდებში ნაწილობრივი ლოქდაუნი გამოცხადდა. ისრაელში უცხო ქვეყნის მოქალაქეებს ქვეყნის საზღვრის კვეთა აეკრძალათ. აშშ-მა სამხრეთ აფრიკიდან და კიდევ 7 ქვეყნიდან (ბოტსვანა, ზიმბაბვე, ნამიბია, ლესოტო, ესვატინი, მოზამბიკი და მალავი) ფრენები შეზღუდა და ქვეყანაში შესვლა მხოლოდ აშშ-ის მოქალაქეებს შეეძლებათ. საზღვრები ჩაკეტა ევროკავშირის ათობით წევრმა ქვეყანამ.
კოვიდ 19- ის ახალ შტამთან დაკავშირებით, საქართველოს მთავრობამ ახალი რეგულაციები აამოქმედა. მთავრობის განცხადებით, ქვეყნის ტერიტორიაზე ნებისმიერი პირი, მოქალაქეობის მიუხედავად, რომელსაც ბოლო 14 დღის განმავლობაში, აქვს აღნიშნულ აფრიკულ ქვეყნებში მოგზაურობის ისტორია, საქართველოში შემოსვლისას ექვემდებარება 14-დღიან იზოლაციას/კარანტინს საკარანტინე სივრცეში გადაყვანას
მასალა მოამზადა: თორნიკე ყრუაშვილმა
