უკრაინის საგანგებო მდგომარეობის სახელმწიფო სამსახურის ინფორმაციით, ქვეყნის ძალები ლუგანსკის ორ სოფელს მელოევოსა და გოროდიშეს აღარ აკონტროლებენ. უწყების მიერ გავრცელებული ინფორმაციიდან ირკვევა, რომ:
– დნეპროპეტროვსკის რეგიონში ქალაქებში კრასნოპოლიე და მარგანეცში სამხედრო საწყობები იწვის;
– ვინიცკის რეგიონში ტულჩინისა და ბოხანას რაიონებში ხანძარია სამხედრო ნაწილებში;
– ლუცკში ტელეანძა ააფეთქეს;
– კიევის ოლქში კი ქალაქ ბროვარიში სამხედრო ნაწილში ხანძარი ფიქსირდება.
ამავე დროს თვითაღიარებული დონეცკის სახალხო რესპუბლიკა სახალხო მილიცია უკრაინელ სამხედროებს დანებებისკენ მოუწოდებს.
