ცოტახნის წინ ქართველ მომხმარებელს გაუჩნდა შესაძლებლობა, მოიხმაროს უნიკალური პროდუქტი – ცივად დაწურული ზეთები. „ხახაბო“ ჯერ მხოლოდ ორი თვეა, რაც ქართულ ბაზარზეა. ამ ეტაპზე, იწარმოება შვიდი სახეობის ზეთი – სელის თესლის ზეთი, გოგრის თესლის ზეთი, ჩიას თესლის ზეთი, სეზამის თესლის ზეთი, ნიგვზის ზეთი, ნუშის ზეთი და მეშვიდე, ექსკლუზიური პროდუქტი – შავი კვლიავის ზეთი. თითოეულ მათგანს საკუთარი, განსხვავებული მახასიათებელი აქვს და, ნებისმიერ შემთხვევაში, ჯანმრთელობისთვის სასარგებლო და სამკურნალო თვისებებით გამოირჩევა.
დეტალებზე „თბილისი თაიმსს“ გიორგი კვესელავა ესაუბრა.
„უპირველესად, ის გამორჩეულია იმით, რომ მსგავსი პროდუქტი საქართველოსა და მეზობელ ქვეყნებში არ არსებობს. ცივად დაწურული ზეთები იყიდება ჩვენს ქვეყანაში, მაგრამ ისინი არ არის 100 %-ით ცივად დაწურული. რას გულისხმობს ეს უკანასკნელი – რაც არის იმპორტირებული, ის იწურება შემდეგნაირად – დანადგარში შედის მარცვალი და ეს რკინა, ხახუნის ძალით, მაინც ახურებს 40 გრადუსამდე. ჩვენ ვწურავთ ინოვაციური მეთოდით, სადაც მარცვალი საერთოდ არ ხურდება. შესაბამისად, როდესაც ზეთი იწურება, ინარჩუნებს ყველა სამკურნალო და სასარგებლო თვისებას.
რადგან პროდუქტი ახალია, ხალხი ჯერ ახლა იცნობს. მოთხოვნა ყოველდღიურად მზარდია. ვცდილობთ, რომ გავფართოვდეთ. ამ ეტაპზე, გვაქვს ორი დანდგარი. დაახლოებით ორ კვირაში კიდევ ორი გვექნება და ვფიქრობთ, რომ თუ მოთხოვნა კიდევ უფრო გაიზრდება, 20 დანადგარი დავამატოთ“, – ამბობს გიორგი და იმ მიზნებზე საუბრობს, რის გამოც მომხმარებლისთვის აღნიშნული პროდუქტი გახდა ხელმისაწვდომი.
„ამ პროდუქტის მიზანი გახლდათ, საზოგადოებისთვის შეგვეთავაზებინა ისეთი სამკურნალო ზეთები, რომლებსაც არ ექნებოდა წამლის გემო. ის არის ძალიან არომატული, არ აქვს ასაკი – რაც იმას ნიშნავს, რომ ნებისმიერი ასაკის ადამიანისთვის არის რეკომენდებული. ასევე, არ აქვს უკუჩვენებები – ყველაზე დიდი უკუჩვენება გახლავთ, რომ, დიდი რაოდენობის მიღების შემთხვევაში, იწვევს ფაღარათს. ამასთან, ერთადერთი მდგომარეობა, რომელშიც მისი მოხმარება არ შეიძლება, არის – თერმულად დამუშავებული.
გარდა ამისა, ჩვენ გოგრის ზეთზე აღებული გვაქვს ბად-ის სტატუსი, ჯანდაცვის სამინისტროსგან. ეს ნიშნავს, რომ შეგვიძლია, ეს ზეთები შევიტანოთ აფთიაქში, როგორც სამკურნალო პრეპარატი. უბრალოდ, გამომდინარე იქედან, რომ აფთიაქები ძალიან დიდ დანამატებს ითვალისწინებს, ის ხელმისაწვდომი ყველასთვის ვერ იქნებოდა“, – ამბობს გიორგი კვესელავა „თბილისი თაიმსთან“ საუბრისას.
ინფორმაციისთვის, თითოეული ზეთი შემდეგი თვისებებით გამოირჩევა:
სეზამის თესლის ზეთი – ანელებს უჯრედების დაბერების პროცესს; აფერხებს ნაოჭების წარმოქმნას; კარგია კანის თმების და ფრჩხილების სტრუქტურის აღსადგენად და გამოსაკვებად; რკინის დიდი რაოდენობით შემცველობის გამო, ამსუბუქებს ანემიით გამოწვეულ პრობლემას; დადებითად მოქმედებს ნივთიერებათა ცვლის პროცესის დარეგულირებაზე; შეიცავს კალციუმს დიდი რაოდენობით, რაც ეხმარება ორგანიზმს მისი მარაგის შევსებაში.
შავი კვლიავის ზეთი – ახასიათებს კიბოს საწინააღმდეგო მოქმედება; უშვილობა – მის შემადგენლობაში შედის ჰორმონები, რომელიც ამაღლებს პოტენციას და შეუძლია უშვილობის განკურნება; კარგია მაღალი არტერიული წნევის, ეპილეფსიის, ფსორიაზისა და დიაბეტის დროს.
ნიგვზის ზეთი – აწესრიგებს არტერიულ წნევას. დაბლა წევს ინსულტისა და ინფარქტის წარმოქმნის რისკს. ეფექტურად გამოიყენება ვენების ვარიკოზული დაავადების შემთხვევაში; რეკომენდებული ნერვული სისტემისა და თავის ტვინის, შარდსასქესო სისტემის, საყრდენ–მამოძრავებელი სისტემის, ენდოკრინული სისტემისა და კუჭ–ნაწლავის ტრაქტის დაავადებების დროს.
სელის თესლის ზეთი – გამოიყენება გულ-სისხლძარღვთა სისტემის, საჭმლის მომნელებელი სისტემის პრობლემების დროს, ონკოლოგიურ დაავადებათა პროფილაქტიკის მიზნით, შაქრის დიაბეტის პროფილაქტიკისთვის; დაბლა წევს სისხლში შაქრის დონეს; სასურველია კანის სხვადასხვა ანთებითი დაავადებების დროს, როგორიც არის სებორია, აკნე, კანის მშრალი გამონაყარი. მეჭეჭების სამკურნალოდ; ზედმეტი წონის პროფილაქტიკა.
ჩიას თესლის ზეთი – ომეგა 3-სა და ომეგა 6-ს დიდი რაოდენობით შემცველობის გამო, ჩიას ზეთი იცავს კანს როგორც გამოშრობისა და დაბერებისაგან, ასევე, ულტრაიისფერი სხივებისაგან. ამცირებს სიმშრალეს და ინარჩუნებს წყლის დონეს. ზეთი კარგია მათთვის, ვისაც აქვს მარალი კანის დაავადებები, ატოპიური დერმატიტი და ფსორიაზი.
სეზამის ზეთი – ანელებს უჯრედების დაბერების პროცესს; აფერხებს ნაოჭების წარმოქმნას, რის გამოც ერთ-ერთი წამყვანი კომპონენტია კოსმეტოლოგიაში; კარგია კანის თმების და ფრჩხილების სტრუქტურის აღსადგენად და გამოსაკვებად; რკინის დიდი რაოდენობით შემცველობის გამო ამსუბუქებს ანემიით გამოწვეულ პრობლემას; დადებითად მოქმედებს ნივთიერებათა ცვლის პროცესის დარეგულირებაზე; შეიცავს კალციუმს დიდი რაოდენობით, რაც ეხმარება ორგანიზმს მისი მარაგის შევსებაში.
მასალა მოამზადა : მარიამ ტიელიძემ
