ყოფილი ოლიმპიური ჩემპიონი, ალინა კაბაევა, რომელიც რუსეთში სანქცირებულთა სიაშია, ინტერვიუში ღიად აკრიტიკებს ცივილიზებული სამყაროს პოზიციას.
იგი პუტინის ფავორიტ სპორტსმენთა სიაშია, ერთ დროს რუსეთის პრეზიდენტთან რომანსაც მიაწერდნენ და ამბობდნენ, რომ ვლადიმირ პუტინი ალინა კაბაევაზე ოფიციალურადაც დაქორწინდა და მათ საერთო შვილიც ჰყავთ.
„ამაზე სამარცხვინო პოზიცია მსოფლიო სპორტის ისტორიაში არ ყოფილა. მსოფლიო სპორტული ორგანიზაციების ბრძოლა ვითომ მშვიდობისთვის, უბრალოდ სამარცხვინოა. რატომ არ დარდობენ ეს ორგანიზაციები ერაყსა და სირიაში დაღუპული ხალხის გამო? რატომღაც მხოლოდ ის ეწყინათ, რომ დონბასის და ლუგანსკის დაცვა ვცადეთ ნაცისტებისგან.
როგორ ბედავთ რუსული სიმბოლოების, დროშის და ჰიმნის შეურაცხყოფას? ყველა შეჯიბრზე რუსი სპორტსმენები მიკროსკოპებში უნდა გაატაროთ? ამის მიუხედავად, ყველას ვჯობდით, სულ ვიმარჯვებდით. რუსეთი დიდი ქვეყანაა, დიდი სპორტული მიღწევებით“, – ამბობს კაბაევა, რომელიც „ნაციონალური მედია ჯგუფის“ ხელმძღვანელის პოსტს იკავებს.
წყარო : პრაიმტაიმი
