ქართული მართლმადიდებლური ეკლესია 25 მარტს ავტოკეფალიის აღდგენას ზეიმობს.
ქართული მართლმადიდებლური ეკლესია დამოუკიდებელია 484 წლიდან, მანამდე იგი შედიოდა ანტიოქიის პატრიარქის დაქვემდებარებაში. 1811 წელს რუსეთის საიმპერატორო კარმა უკანონოდ გააუქმა საქართველოს ეკლესიის ავტოკეფალია, მოსპო საპატრიარქო მმართველობა და საქართველოს ეკლესია საეგზარქოსოს უფლებით დაუქვემდებარა რუსეთის ეკლესიის სინოდს.
ქართულმა ეკლესიამ ავტოკეფალია 1917 წლის 25 მარტს აღიდგინა. ავტოკეფალიის აღდგენის შემდეგ პირველ კათოლიკოს-პატრიარქად არჩეულ იქნა ცნობილი საეკლესიო მოღვაწე ეპისკოპოსი კირიონი. საქართველოს ეკლესიის დამოუკიდებლობა ყველა მართლმადიდებელმა ეკლესიამ ცნო, თუმცა, ეს წერილობით დადასტურებული არ ყოფილა. რუსეთის ეკლესიამ საქართველოს ეკლესიის ავტოკეფალია მხოლოდ 1943 წელს აღიარა.
1977 წლის 23 დეკემბრიდან საქართველოს კატალიკოს პატრიარქია ილია მეორე. მისი უშუალო მონდომებით კი მსოფლიო საპატრიარქომ საქართველოს ავტოკეფალია ოფიციალურად 1990 წლის 4 მარტს ცნო.
მასალა მოამზადა: თორნიკე ყრუაშვილმა
