“ჯანსაღი კვების მარტივი, ფერადი და გემრიელი გადაწყვეტა” – „დეი ორგანიქსის“ სუპერფუდები 

დღეს, მსოფლიოს მოსახლეობის საკმაოდ დიდ ნაწილს აქვს მოთხოვნილება, იკვებოს ჯანსაღად და საკუთარი ორგანიზმის სრულყოფილებაზე იზრუნოს. ამ მიზეზით, ბაზარზე კონკურენცია არსებობს და მწარმოებლები მომხმარებლებს სხვადასხვა სახის პროდუქციას სთავაზობენ. „დეი ორგანიქს“ – მის მიზანს სწორედაც რომ ჯანსაღი კვების პროპაგანდა წარმოადგენს. დამფუძნებლები არიან: ნათია დეკანოიძე, ნინო ფრიდონიშვილი და თათია ქსოვრელი. „თბილისი თაიმსს“, თავიანთი საქმიანობის შესახებ, დეტალური ინფორმაცია სწორედ მათ მიაწოდეს.

რამდენი ხანია, რაც არსებობს “დეი ორგანიქს”?
„დეი ორგანიქსი“ ბაზარზე 2021 წლიდან გამოჩნდა, თუმცა კომპანიის დაარსებისა და სასარგებლო სუპერფუდების ქართულ ბაზარზე შემოტანის იდეა ბევრად ადრე დაიბადა.
დავისახეთ მიზანი, რომ სუპერფუდების პოპულარიზებით, ჯანსაღი კვების პროპაგანდა გაგვეწია. Სუპერფუდები შევისწავლეთ, გავეცანით მათს კვებით ღირებულებებს და წარმოებაც დავიწყეთ. შემდგომ უკვე, სხვადასხვა კონტინენტზე მათი უმსხვილესი მწარმოებლები მოვიძიეთ და 2021 წლის სექტემბერში, შერჩეული ასორტიმენტით ქართველი მომხმარებლის წინაშე წარვდექით.
ვებვერდზე – www.dayorganics.ge – მომხმარებელს ჩვენი ყველა პროდუქტის ნახვა, მათ შესახებ ინფორმაციის მიღება და შეძენა შეუძლია.
მალევე, ჩვენი პროდუქციით რესტორნები, კაფეები, სასტუმროები და სხვა საკვები ობიექტები დაინტერესდნენ.

დეტალურად, რას სთავაზობთ მომხმარებელს?
„დეი ორგანიქსი“ აერთიანებს სუპერფუდებს, ანუ სხვადასხვა სუპერძალის მქონე მცენარეული წარმოშობის სასარგებლო ფხვნილებსა და გამომშრალ საკვებ ყვავილებს, რომლებიც დიდი რაოდენობით ანტიოქსიდანტებს შეიცავენ. მათი მოხმარება შეიძლება როგორც ჩაის სახით, ასევე საკონდიტრო ნაწარმში და დეკორატიული ფუნქციითაც.
უფრო ზუსტად, სუპერფუდი, ეს არის ხილი, მცენარე – წარმოდგენილი ფხვნილის სახით, რომელსაც 100%-ით აქვს შენარჩუნებული ვიტამინები და სასარგებლო ღირებულებები.
აღსანიშნავია, რომ ერთი კოვზი სუპერფუდი დღიური ნორმა ხილის კვებით ღირებულებას უდრის.
სუპერფუდები ბიოლოგიური წარმოშობისაა და ძნელად ხელმისაწვდომ ადგილებში გვხვდება: მაღალი მთები, ოკეანეები, ღრმა ხეობები, აზია, აფრიკა ან სამხრეთ ამერიკა. უმეტეს შემთხვევაში, თითოეული ამ პროდუქტის შემადგენლობაში შედის 20-ზე მეტი აქტიური ნივთიერება, რომელიც სასარგებლოა ადამიანის ორგანიზმისთვის.
აქვე უნდა აღინიშნოს, რომ „დეი ორგანიქსი“ მომხმარებლებს გამომშრალ ყვავილებსაც სთავაზობს. გამომშრალი ყვავილი ყვავილის შენახვის ერთ-ერთი მეთოდია, მისი ფორმა და სასარგებლო ღირებულებები დიდი ხნით რომ შენარჩუნდეს. ჩვენ მიერ შეთავაზებული ყვავილები, ასევე, არის 100%-ით ნატურალური და არ შეიცავს არანაირ დანამატს. ყვავილების ჩაი ხელს უწყობს რელაქსაციასა და ორგანიზმის დეტოქსს.
ამჟამად, „დეი ორგანიქსი“ მომხმარებელს 10 სახის პროდუქციას სთავაზობს: ლურჯი სპირულინას სუპერფუდი (Blue spirulina Superfood), მატჩას სუპერფუდი (Matcha tea Superfood), პიტაიას სუპერფუდი (pink pitaya superfood), ასაი კენკრის სუპერფუდი (Acai berry Superfood), ნუშის ფქვილი, გამომშრალი ბატერფლაი ფის ყვავილი (პეპლის ბარდა), გამომშრალი ვარდის ფურცლები, ვარდის კვირტები,  ჟასმინი და ქრიზანთემის ყვავილები.

საინტერესოა, რის გამო გაჩნდა იდეა?
სტარტაპის დამფუძნებლები მეგობრებიც ვართ, რომელებიც სრულიად განსხვავებულ სფეროებში ვსაქმიანობთ. მეგობრობის გარდა კი, ჯანსაღი ცხოვრების იდეის წახალისების სურვილიც გვაერთიანებდა. Როგორც კი მივხვდით, რომ ჩვენი ქვეყნისა და საზოგადოებისთვის ამ კუთხით საჭირო პროდუქციის უზრუნველყოფა დროული იყო, მაშინვე ამ საქმეზე ვკონცენტრირდით.
იქიდან გამომდინარე, რომ თავადვე მივდევთ ჯანსაღ ცხოვრებას, ხშირად ვაწყდებოდით სასურველი პროდუქტის დეფიციტს, თუმცა გამოწვევა შესაძლებლობად ვაქციეთ, ბაზარი კარგად შევისწავლეთ და „დეი ორგანიქსის“ სახით, ქართველ აუდიტორიას ჯანსაღი პროდუქტის ფერადი და გემრიელი ალტერნატივა შევთავაზეთ.

რამდენად დიდია საზოგადოების ინტერესი თქვენი მომსახურების მიმართ?
იმის მიუხედავად, რომ „დეი ორგანიქსის“ პროდუქცია უცხო იყო ქართულ ბაზარზე, მისი ცნობადობა ძალიან სწრაფად გაიზარდა. Მომხმარებლების დადებითი შეფასებები, კულინარებისა და კონდიტერების მხრიდან მხარდაჭერა უდიდეს სტიმულს გვაძლევს, რომ სულ მალე, ჩვენი აუდიტორია კიდევ უფრო მეტი ჯანსაღი და სასარგებლო პროდუქტით უზრუნველვყოთ.

ამ მხრივ, ჩვენს ქვეყანაში კონკურენციას როგორ შეაფასებთ?
როგორც იცით, ჩვენ ვართ პირველი ქართული ბრენდი, რომელიც სუპერფუდების დიდ არჩევანს აერთიანებს. კონკურენციას რაც შეეხება, მიგვაჩნია, რომ მოთხოვნის ზრდასთან ერთად, ბაზარზე უფრო და უფრო მეტი კომპანია გამოჩნდება, თუმცა ჯანსაღი კონკურენცია მხოლოდ მოტივაციას გაგვიზრდის, რომ მუდმივ განვითარებაზე ვკონცენტრირდეთ.
თამამად შეგვიძლია, ვთქვათ, რომ ჩვენი პროდუქცია ექსკლუზიურია და ზოგიერთი მათგანი საქართველოში, მხოლოდ და მხოლოდ, „დეი ორგანიქსის“ შეფუთვითაა ხელმისაწვდომი.