ბოლო პერიოდში საქართველოში ბევრს საუბრობენ წყაროზე, რომელიც სხვადასხვა სნეულებით დაავადებულებსა და უშვილოებს კურნავს.
აღნიშნული წყარო ჯვრის მონასტრიდან მიმავალ გზაზე, წმ. ნინოს სახელობის მცირე ტაძრის ეზოში მდებარეობს და აქვეა სავანე, სადაც თურმე წმ. ნინო მუხლმოდრეკილი ლოცულობდა ქართლის მოქცევისთვის. სწორედ აქ მდებარეობს სასწაულმოქმედი წყალი, რომელიც წმ. ნინომ აღმოაჩინა და „ძუძუს წყაროს“ სახელითაა ცნობილი. იქვე მდებარეობს „აკაკის ხე“ , რომელიც თურმე სასწაულებს ახდენდა და კურნავდა ნებისმიერ დაავადებას, მათ შორის უშვილობას.
“ძუძუს წყალი” გემოვნებით დედის რძეს წააგავს. სახელწოდებაც აქედან მოდის. წყალი სამკურნალო თვისებების მქონეა, განსაკუთრებით ქალბატონებისათვის, დაწყებული მკერდის სიმსივნიდან და მასთან დაკავშირებული დაავადებებისთვის, წმენდს კუჭ-ნაწლავს და უშვილოთა შემწეა…
“ძუძუს წყარო” აუცილებლად უნდა მივიღოთ ლოცვების “მამაო ჩვენოს” ან “წმინდა ნინოს ტროპარის შემდეგ. შესაძლებელია წყლის გამრავლებაც.
როგორც ცნობილია, „ძუძუს წყალს“ ყოველდღიურად არაერთი მომლოცველი შესთხოვს. ცნობილია ის ფაქტიც, რომ ამ წყაროსთან ლოცვის შედეგად, დაახლოებით 200-მდე ჩვილი გაიზარდა და ხშირად მათ „წმ.ნინოს შვილობილებსაც“ უწოდებენ.
მასალა მოამზადა: თორნიკე ყრუაშვილმა
